Fota CHK «Mietałurh»
Učora źjaviłasia infarmacyja, što 20 krasavika naziralnaja rada žłobinskaha chakiejnaha kłuba «Mietałurh» daterminova spyniła kantrakt z hałoŭnym trenieram kamandy Jaŭhienam Lebiedzievym.
Zvalnieńnie było dosyć niečakanym, bo kamanda zavajavała bronzavyja miedali čempijanatu Biełarusi. A mienavita zadača trapić u pryziory i staviłasia pierad «vaŭkami» u pačatku siezona. Zrešty, čutki pra adstaŭku Lebiedzieva ŭsio adno nie ścichali. Asablivuju moc jany nabyli, kali «stalavary» ŭ «suchuju» prajhrali paŭfinalnuju sieryju homielskim «rysiam».
Varta zaznačyć, što «Mietałurh» źjaŭlajecca adnoj z najbahaciejšych kamand biełaruskaj ekstralihi. Hrošaj na kłub nie škadavali.
U raspaŭsiudžanaj učora infarmacyi kazałasia, što naziralnaja rada žłobinskaha kłubu «Mietałurh» daterminova spyniła kantrakt z hałoŭnym trenieram kamandy Jaŭhienam Lebiedzievym. Heta zdaryłasia praź dzień paśla taho, jak niechta — homielskaja zbornaja — upieršyniu abyhraŭ kamandu Łukašenki.
Pavodle čutak, miesca Jaŭhiena Lebiedzieva moža zaniać Vasil Śpirydonaŭ, jaki niadaŭna byŭ zvolnieny z pasady treniera minskaha «Dynama». Sam Śpirydonaŭ pryznavaŭsia nie tak daŭno, što da jaho prajaŭlaje intares adzin z kłubaŭ biełaruskaj ekstralihi.
Darečy, nie tak daŭno pracu Lebiedzieva rezka raskrytykavaŭ viadomy hałkipier Siarhiej Šabanaŭ.
Nie vyklučałasia, što dadatkovym čyńnikam u adstaŭcy śpiecyjalista mahła stać pieramoha chakieistaŭ Homielskaj vobłaści, jakoj kiravaŭ Lebiedzieŭ, nad kamandaj Alaksandra Łukašenki ŭ finalnaj sustrečy amatarskaha turniru.
Dahetul «amatarskuju kamandu» Łukašenki ŭ Biełarusi nie pieramahaŭ nichto, jak nichto z łyžnych čempijonaŭ nie zdolny byŭ abahnać aficyjnaha kiraŭnika na łyžnaj dystancyi.
49‑hadovy Lebiedzieŭ kiravaŭ «Mietałurham» ad 2006 hodu, z času stvareńnia kłuba. Da hetaha jon uznačalvaŭ minskija «Lehijon», «Kieramin», «Civali», žłobinskuju «Biełstal», CHK «Brest», CHK «Homiel». Razam z «Kieraminam» dvojčy vyjhravaŭ Uschodnie‑Jeŭrapiejskuju chakiejnuju lihu. Što praŭda, załatych uznaharod pieršynstva Biełarusi ŭ nastaŭnika nie było.
Sam Lebiedzieŭ nie źviazvaŭ svajho zvalnieńnia ź pieramohaj nad kamandaj Łukašenki.
***
Pa abiedzie na aficyjnym sajcie CHK “Mietałurh” źjaviłasia abviaržeńnie infarmacyi ab zvalnieńni Jaŭhiena Lebiedzieva.
Pavodle dyrektara kłuba A.Baharada, nijakich dakumientaŭ ab adchileńni hałoŭnaha treniera aformlena nie było, chacia kiraŭnictva «turbuje niepavažlivy charaktar i niaŭmieńnie vysłuchvać krytyčnyja zaŭvahi».
«Kantrakt ź Jaŭhienam Lebiedzievym dziejničaje da 30 červienia 2010 hodu. Jamu prapanavana vykonvać svaje abaviazki, niahledziačy na ŭsiu šumichu, jakuju jon padniaŭ u ŚMI», – havorycca ŭ zajavie.
