Pra heta na pres‑kanfierencyi 22 krasavika paviedamiŭ načalnik upraŭleńnia ideałahičnaj i vychavaŭčaj pracy kamiteta pa adukacyi Minharvykankama Andrej Stryhielski.
Jon nahadaŭ, što sioleta siaredniuju škołu zakončać 16 tys. 600 školnikaŭ, što na 2,5 tys. bolš, čym letaś. «Nie ŭsie aktavyja zały škoł źmieściać usich vypusknikoŭ, nastaŭnikaŭ i baćkoŭ, tamu dazvolena pravieści vypusknyja viečaryny na bazie ŭstanoŭ kultury, a taksama nie tolki 12 červienia, ale i ŭ inšy dzień», — zaznačyŭ Stryhielski.
Pačatak viečaryny pryznačany na 20.00, čas zakančeńnia vyznačajuć baćkoŭskija kamitety, administracyi škoł i rajonaŭ. Pavodle słoŭ Stryhielskaha, heta moža być i 24.00, i 5.00, i 6.00.
Pradstaŭnik Minharvykankama zaznačyŭ, što na vypusknych viečarynach nie dapuskajecca raśpivańnie śpirtnych napojaŭ. U hety dzień prodaž ałkaholu ŭ mahazinach budzie abmiežavany.
«Usie słužby horada (kamunalnyja, milicyja, chutkaja miedycynskaja dapamoha) buduć pracavać va ŭzmocnienym režymie», — paviedamiŭ Stryhielski.
0
0
0
0
0
0
