U Homieli, Mahilovie i Viciebsku 29 krasavika ŭstanoŭleny novyja tempieraturnyja rekordy, paviedamili BiełaPAN u Respublikanskim hidramieteacentry.
U Homieli słupok termomietra padniaŭsia da adznaki plus 26,2 hradusa (raniejšy rekord — 24,6 hradusa), u Mahilovie — 25,1 (24,3), u Viciebsku — 25,5 (24,6). Usie papiarednija rekordy byli zafiksavany 52 hady tamu — 29 krasavika 1957 hoda.
U Minsku pavietra prahrełasia da 25,5 hradusa (rekord — 25,7 hradusa ŭ 2000 hodzie), u Breście — da 25,4 (27,1 u 1969 hodzie), u Hrodnie — da 25,6 (27,0 u 2000 hodzie).
Ciaplej za ŭsio ŭ sieradu było ŭ Lelčycach — 26,8 hradusa.Absalutny rekord dla Biełarusi na 29 krasavika składaje plus 27,1 hradusa (1969 hod, Brest).
0
0
0
0
0
0
