Dziaržaŭny mytny kamitet Biełarusi prapanuje źnizić normu biaspošlinnaha ŭvozu tavaraŭ fizičnymi asobami z 1 tys. jeŭra da 200 jeŭra.Ab hetym paviedamiŭ namieśnik staršyni DMK Siarhiej Barysiuk padčas online kanfierencyi 29 krasavika, što prajšła na sajcie BIEŁTA.
«My ličym, što pryniatyja ŭ kancy 2007 hoda normy adnosna biaspošlinnaha ŭvozu tavaraŭ pavinny być pierahledžany, tamu raspracavany adpaviedny dakumient.
My prapanujem źnizić normu biaspošlinnaha ŭvozu z 1 tys. jeŭra da 200 jeŭra, abaznačyŭšy, što da turystaŭ i adpačyvalnikaŭ my nie majem nijakich pretenzij i budziem adnosicca maksimalna łajalna», — skazaŭ jon.
Adnačasova sa źnižeńniem hetaj normy prapanujecca
skasavać tak zvany dadatak numar 2 (dadatak da Pałažeńnia ab ilhotnym paradku pieramiaščeńnia praz mytnuju hranicu tavaraŭ dla asabistaha karystańnia i sproščanym paradku ich mytnaha afarmleńnia, zaćvierdžanaha ŭkazam numar 503 ad 15 kastryčnika 2007 hoda. — Zaŭvaha BIEŁTA), dzie razmova idzie ab budmateryjałach, składanabytavoj technicy jak abkładajemaj pa adzinaj staŭcy mytnaj pošliny.
Pry hetym pradstaŭnik DMK adznačyŭ, što nielha skazać, što raspracavany dakumient uzmacniaje dziejučyja normy, a chutčej, uparadkoŭvaje ich.
Naprykład, kali turyst vyjazdžaje na adpačynak i biare z saboj ličbavuju kamieru koštam amal 500 jeŭra, to pry vyvazie jaje z krainy nieabchodna budzie paznačyć najaŭnaść kamiery ŭ dekłaracyi i paśla viartańnia nazad mytnuju pošlinu nie płacić. Ale kali hramadzianin nabyŭ hetu kamieru za miažoj i jaje cana pierasiahaje 200 jeŭra, to jamu daviadziecca zrabić mytnuju ačystku.Ciapier videakamiera adnosicca da dadatka numar 2 i za jaje treba vypłačvać pošlinu pa adzinaj staŭcy. Takim čynam, źnižeńnie normy biaspošlinnaha ŭvozu da 200 jeŭra budzie datyčycca tolki tavaraŭ, nabytych za miežami Biełarusi. Toje, što časova vyvozicca i ŭvozicca nazad, pad hetu normu nie padpadaje.
Siarhiej Barysiuk taksama dadaŭ, što kali hramadzianin viartajecca, naprykład, z AAE, jeździć tudy nie čaściej jak adzin raz na hod, to da jaho z boku mytnych orhanaŭ budzie minimalnaja kolkaść pytańniaŭ. «Kali ž čałaviek traplaje ŭ naša pole zroku ŭ suviazi z tym, što nieadnarazova pierasiakaje hranicu, jość navat takija, jakija pieramiaščajucca pa niekalki razoŭ za dzień, to z takimi hramadzianami budziem pracavać u indyvidualnym paradku z patrabavańniem pradastaŭleńnia dakumientaŭ, što paćviardžajuć košt pieramiaščajemaj majomaści», — padkreśliŭ jon.
Havoračy ab tym, ci paŭpłyvaje pryniaćcie hetaha dakumienta na abjom pastupleńniaŭ ad mytnych orhanaŭ u respublikanski biudžet, namieśnik staršyni DMK zaŭvažyŭ: «My nie prahnazujem pavieličeńnia abjomu pastupleńniaŭ u biudžet». Ahulnaja suma mytnych pastupleńniaŭ ad fizičnych asob u ahulnym abjomie ŭsich pastupleńniaŭ składaje nie bolš jak 3‑4 pracenty z ulikam uvozu aŭtamabilaŭ. Asabistaja majomaść — i zusim sotyja doli pracenta. «Naša meta — raźmiežavać kamiercyjnyja patoki tavaraŭ, uvozimyja pad vyhladam asabistych, i patoki dla asabistych patreb hramadzian», — reziumavaŭ jon.
