Na aŭkcyjon nie było padadziena nivodnaj zajaŭki, paviedamili ŭ Minskim centry nieruchomaści.
Aŭkcyjon na prava zaklučeńnia damovy arendy ziamielnaha ŭčastka, jaki achoplivaje žyłyja kvartały, utvoranyja vulicami Bahdanoviča-Kisialova-Kujbyšava-Kamunistyčnaj, 25 krasavika nie adbyŭsia. Jak paviedamili «NN» u Minskim centry nieruchomaści, na aŭkcyjon nie było padadziena nivodnaj zajaŭki. Nastupnyja tarhi adbuducca ŭ lipieni, abo žniŭni.
Nahadajem, što žyłyja kvartały, utvoranyja vulicami Bahdanoviča-Kisialova-Kujbyšava-Kamunistyčnaj, byli vystaŭlenyja na tarhi zhodna rašeńnia Minharvykankamu № 1481 ad 20.06.2008 h. Płošča ziamielnaha ŭčastka składaje 7,8 ha, pačatkovaja cana — $2 379 500. Kvartały, prazvanyja ŭ narodzie hienieralskimi praz toje, što pa vajnie tut sialili siemji vyšejšaha kamandnaha składu Biełaruskaj vajskovaj akruhi, miarkujecca vyzvalić ad 1-2 paviarchovych budynkaŭ pad šmatpaviarchovuju zabudovu.
