14 traŭnia ŭ Minsku prajšła akcyja, arhanizatarami jakoha źjaŭlajucca siabry «Maładoha frontu».
Fota Julii Daraškievič
18:46
Zatrymany Maksim Viniarski, jaho zapichali ŭ UAZik i źvieźli. Mikoła Dziemidzienka acaniŭ kolkaść zatrymanych pierad akcyjaj u 50-60 čałaviek.
Moładź pasprabavała vyviesić ściah, ale cichary znoŭ jaho zabrali.
18:34
Namieśnik načalnika mienskaj milicyi Leanid Farmahiej pahavaryŭ tet-a-tet ź Mikołam Dziemidzienkam i prapanavaŭ skončyć akcyju, u abmien na toje, što nichto nie budzie zatrymany.
18:28
Moładź pasprabavała rušyć u bok Płoščy Niezaležnaści, AMON pieraharadziŭ darohu, uziaŭ znoŭ u koła. Adabrali apošniuju raściažku. Na płoščy kala sotni čałaviek.
18:26 AMON uziaŭ i syšoŭ.
Niejki cichar u cyvilnym vyskačyŭ, schapiŭ i apošni ściah i pabieh.
18:19 Udzielniki akcyi śpiavajuć nacyjanalny himn «Mahutny Boža».
18:14 Druhaja sproba vycisnuć z płoščy. Moładź pasieła na asfalt. Padyšli brytahałovyja ŭ cyvilnym i pałamali dreŭcy ściahoŭ.
Pa racyjach addajecca zahad: «Abaviazkova brać Dziemidzienku».
Niekatorych udzielnikaŭ akcyi zatrymali na padychodzie da Płoščy.
18:12
Padyšoŭ śpiecnaz, uziaŭ usich u koła, razam ź niekatorymi žurnalistami, pačaŭ vyciskać z płoščy. Maładafrontaŭcy ŭ adkaz pasieli na asfalt, śpiecnazaŭcy ich nie vypuskajuć.
Milicyjant ź miehafonam papiaredžvaje pra niezakonnaść akcyi.
18:10
Na Kastryčnickaj płoščy kala 50 čałaviek. Maładafrontaŭcy-haładoŭščyki (Iryna Hubskaja, Arciom Dubski, Mikoła Dziemidzienka, niama Nasty Pałažanki, jakaja trymaje haładoŭku 11 sutki). Jość salihorskija maładafrontaŭcy.
Jany trymajuć try bieł-čyrvona-biełyja ściahi, adzin ukrainski.
Šmat cicharoŭ u cyvilnym, z navušnikam.
***
14 traŭnia ŭ Minsku projdzie marš «Za niezaležnaść», arhanizatarami jakoha źjaŭlajucca siabry «Maładoha frontu». Fakt Maršu tak dapiok uładam, što napiaredadni jany pakazali pa BT admysłovy film, kab dyskredytavać MF.
Šeście maje raspačacca a 18:00 ad Kastryčnickaj płoščy i projdzie da płoščy Niezaležnaści. Zajaŭku ŭ Minharvykankam adnosna dazvołu na akcyju «maładafrontaŭcy» nie padavali, bo paličyli heta pustoj spravaj.
«My nie ciešym siabie dumkaj, što na marš pryjduć tysiačy ludziej. Razam z tym, akcyja vielmi patrebnaja ŭ siońniašnich umovach. Dziejańni ŭładaŭ staviać pad pahrozu samaje kaštoŭnaje — niezaležnaść krainy», — zajaviŭ minski kaardynatar «MF» Mikoła Dziemidzienka.
Pavodle słovaŭ Nasty Pałažanki, akcyi padtrymali hramadskija arhanizacyi Rasii, Litvy, Polščy, Ukrainy, Anhlii.Zaŭtra ŭ hetych krainach płanujucca pikietavańni biełaruskich pasolstvaŭ.
Akcyja simvalična prymierkavanaja da čarhovych uhodkaŭ Haniebnaha refierendumu 1995 hodu, dzie razhladalisia pytańni ab skasavańni bieł‑čyrvona‑biełaha ściaha i hierba «Pahonia» ŭ jakaści dziaržaŭnych simvałaŭ, admienie statusu biełaruskaj movy jak adzinaj dziaržaŭnaj, a taksama ab ekanamičnaj intehracyi z Rasiejaj i pravie prezidenta raspuskać parłamient.
Mikoła Dziemidzienka spadziajecca, što akcyja moža stać tradycyjnaj.