Kaścioł Najśviaciejšaj Dzievy Maryi byŭ pabudavany pa fundacyi Jana Napaleona Kozieł‑Pakleŭskaha ŭ siaredzinie 50‑ch hadoŭ XIX stahodździa ŭ radavym hniaździe Koziełaŭ — Servačy, što na Vialejščynie.
Na chvali baraćby z relihijaj chram byŭ pieraviezieny ŭ viosku Davydki i prystasavany pad kłub. Pry hetym całkam byŭ zachavany jaho vyhlad, adno bieź viežy‑zvanicy. Jak moładzi stała mała i acichła kłubnaje žyćcio, budynak vykarystoŭvali jak žytło dla pryjezdžych rabočych, potym jak skład, a zaraz jon zieŭraje na navakolle pustymi vakanicami.
Škada budzie, kali hety pomnik draŭlanaha dojlidstva pieratvorycca ŭ miascovy vid paliva dla sielsavietu ci škoły. Tym bolš, što nie takija ŭžo vialikija vydatki treba, kab pieravieźci jaho dy sabrać na starym namolenym miescy ŭ Servačy. A tam jon razam z haspadarčymi budynkami siadziby Koziełaŭ i ich radavoj kaplicaj‑pachavalniaj moža skłaści cikavuju kropku na turystyčnaj mapie Vialejščyny. Tym bolš, što miascovyja žychary dahetul pamiatajuć pra svoj kaścioł, što hibieje ŭ Davydkach.
