Tapanimičnaja kamisija Homielskaha harvykankama zapatrabavała dać źviestki ab pražyvańni ŭ Homieli ministra Biełaruskaj Narodnaj Respubliki Pałuty Badunovaj abo jaje svajakoŭ.
Z hetaj prośbaj kamisija źviarnułasia da aktyvistaŭ arhkamiteta pa stvareńni partyi «Biełaruskaja chryścijanskaja demakratyja», jakija inicyjavali razhlad mahčymaści pierajmienavańnia vulicy bałharskaha kamunista Hieorhija Dzimitrava ŭ honar P.Badunovaj.
Jak paviedamiŭ BiełaPAN homielski aktyvist arhkamiteta pa stvareńni partyi «BCHD» Siarhiej Tryfanaŭ, 25 maja tapanimičnaj kamisii byŭ pieradadzieny strachavy dakumient, u jakim ukazana, što na vulicy, nazvanaj ciapier u honar H.Dzimitrava, žyŭ brat P.Badunovaj. Aktyvisty ŭpeŭnienyja, što heta była apošniaja nieabchodnaja daviedka dla vyrašeńnia pytańnia ab pierajmienavańni vulicy.
Raniej pa prośbie harvykankama kamisii byli padadzienyja źviestki ab tym, jakuju rolu ministr adyhrała ŭ historyi horada i ci była jana reabilitavanaja paśla stalinskich represij.
U kancy 2008 hoda aktyvisty źviartalisia ŭ harvykankam z prośbaj pierajmienavać vulicu Dzimitrava u honar P.Badunovaj. Razam sa zvarotam było pieradadziena bolš za 280 podpisaŭ hamialčan.
