Biełaruś naviedali naščadki Radziviłaŭ. Dziesiać spadkajemcaŭ słavutaha mahnackaha rodu prabyli u našaj krainie try dni, abjechali Minsk, Mir, Pałaniečku i inšyja miaściny, źviazanyja z rodam Radziviłaŭ.
Ale hałoŭnym punktam siamiejnaha vizitu staŭ, biezumoŭna, Niaśviž, dzie praviała dziacinstva pani Alžbieta Radzivił, dačka apošniaha haspadara Niaśvižskaha zamku. Pani Alžbiecie 91 hod, ale jana da drobiaziaŭ pamiataje, jak vyhladała jaje radavoje hniazdo, i daje žaru čynoŭnikam, što pierarablajuć zamak na svoj kapył.
Padrabiaźniej pra pajezdki pa Biełarusi Radziviłaŭ možna pačytać u błohu arhanizatara vizitu, žurnalista Hleba Łabadzienki.
Vizit pačaŭsia ź imšy ŭ Farnym kaściole i naviedvańnia familnaha sklepu.
Siamiejstva kniazioŭ pryvitaŭ i mer Niaśvižu (sprava).
U padarunak ad jaho hości atrymali šampanskaje "Radziviłaŭskaje" i rybu.
Miascovyja ŭłady padrychtavali dla darahich haściej dziciačy paravozik z vyjavami Miki-Maŭsa na vahončykach.
A dla pani Elžbiety - karetu. Adnak, vyśvietliłasia, što kniahinia baicca koniej, tamu pieravahu jana addała miersedesu.
Hałoŭnym punktam vizitu staŭ Niaśvižski zamak. Radziviły achvotna fatahrafavalisia la svajho kolišniaha familnaha hniazda.
Nasuprać zamku - simvały savieckaj epochi. Nie tak daŭno tut mieściŭsia sanatoryj.
U zamku ŭsio daŭno nie tak, jak było ŭ časy dziacinstva kniahini.
Płanavałasia, što dla kniahini praviaduć ekskursiju ŭ hatovym kryle zamka.
Ale jana rašuča nakiravałasia ŭ samuju hušču restaŭracyjnych pracaŭ.
Pamiž kniahiniej i navukovym kiraŭnikom prajektu restaŭracyi zamka Siarhiejem Druščycam
zaviazałasia haračaja dyskusija nakont taho, jak sapraŭdy vyhladaŭ zamak.
Kniahinia Alžbieta davodzić, što mnohija detali źmienienyja restaŭratarami.
Druščyc śćviardžaje, što zamak adnaŭlajecca pavodle archiŭnych dakumientaŭ,
a kniahinia nie ŭsio pamiataje, bo była małaja.
Radziviły prabyli ŭ zamku bolš za dźvie hadziny.
Pani Alžbieta ahledziła ledź nie kožny kutočak svaich byłych uładańniaŭ.
Hetaja terasa była inšaj formy, śćviardžaje kniahinia.
Tut byŭ jaje dom.
