Niečakanaściaŭ nie adbyłosia novym kiraŭnikom Ministerstva ŭnutranych spravaŭ pryznačany vykanaŭca abaviazkaŭ ministra hienierał‑major Anatol Kulašoŭ.Bolš śmiełyja prahnozy, što hetuju pasadu moža zaniać staršynia Pamiežnaha kamitetu Ihar Račkoŭski, ci načalnik minskaj milicyi Leanid Farmahiej, nie spraŭdzilisia.
Jašče hod tamu Anatol Kulašoŭ uznačalvaŭ staličnuju milicyju.Potym atrymaŭ pryznačeńnie ŭ namieśniki Navumava. Paśla skandału z «domikami ŭ vioscy» u milicejskich načalnikaŭ, i adstaŭkaj Alaksandra Ščurka, zaniaŭ miesca pieršaha namieśnika ministra. Adrazu pa adstaŭcy Navumava Łukašenka pryznačyŭ Kulašova vykonvajučym abaviazki.
Kulašovu 50 hadoŭ, jon naradziŭsia u haradku Ali‑Bajramły (Azierbajdžan).Takim čynam praktyka pryznačeńnia na hałoŭnyja siłavyja pasady nie ŭradžencaŭ Biełarusi praciahvajecca. Kulašoŭ skončyŭ minskuju škołu milicyi, a taksama Akademiju MUS SSSR.
Padčas znachodžańnia na pasadzie kiraŭnika minskaj milicyjaj Anatol Kulašoŭ nieadnarazova kiravaŭ razhonam apazicyjnych akcyj, ustupaŭ u pieramovy z arhanizatarami mitynhaŭ i šeściaŭ.
Mienavita Kulašoŭ pačynaŭ kuryravać rasśledavańnie vybuchu na dzień respubliki 4 lipienia, ale potym atrymaŭ pavyšeńnie pa słužbie.
0
0
0
0
0
0
