Devid Keradajn, jaki syhraŭ hałoŭnuju rolu ŭ filmie Kviencina Tarancina «Zabić Biła», znojdzieny miortvym. Pra heta paviedamlaje BBC.
72-hadovy aktor znachodziŭsia ŭ Banhkoku na zdymkach filma «Raściažka». U sieradu jon nie źjaviŭsia pałudnavać sa zdymačnaj hrupaj. Nastupnaju ranicaj pakajoŭka hatelu znajšła aktora ŭ piatli ŭ jahonych apartamientach.
Jak ličyć palicyja, śmierć nastupiła ŭ noč ź sierady na čaćvier. Mierkavanaja pryčyna śmierci — samahubstva.
Matyvy i padrabiaznaści nieviadomyja.
Devid Keradajn naradziŭsia 8 śniežnia 1936 h. u aktorskaj siamji. Jaho filmahrafija naličvaje bolej za 200 stužak, siarod ich šmat bajevikoŭ. Aproč Kviencina Tarancina, Keradajn pracavaŭ z takimi režysiorami, jak Rodžer Korman, Inhmar Bierhman i Marcin Skarseze. Papularnaść aktoru prynies telesieryjał 1970-ch «Kun-fu».
Paśla filmu «Zabić Biła» jamu pradkazvali novy ŭzdym karjery.