A.Łukašenka ŭ intervju rasijskim ŚMI doŭha tłumačyŭ, čamu jon suprać uvachodžańnia Biełarusi ŭ skład Rasii.
Ź jahonych słovaŭ vychodziła tak, niby jon nie suprać uvachodžańnia ŭ skład Rasii ŭ pryncypie, ale hetaha nie dapuściać «samyja aktyŭnyja, samyja ambitnyja, samyja‑samyja admarožanyja».
«U nas ža ŭ Biełarusi nie durny narod, jon myślić hetaksama, jak i rasijcy: «svaja ziamla, nikomu nie addamo, kašulu rvanuli i pajšli». Rasijcy – adzin da adnaho. Vy što, chočacie jašče adnu Čačniu tut? Ja nie chaču».
«My jak kiraŭniki pavinny praličyć nastupstvy hetaha. Voś navat ja, dapuścim, prymaju takoje rašeńnie, a što zaŭtra? Mała kanfliktaŭ na Kaŭkazie? Ciapier Rasiju «bambiać» za toje, što jana «pa‑impiersku», sa zbrojaj u rukach prydušyła, padparadkavała… A tut što? Z hetaha punktu hledžańnia prezident Rasii kaža: «Tak, ty va ŭsim maješ racyju… Heta absalutna škodna dla Rasii», – zajaviŭ A.Łukašenka.
«Ź inšaha boku, tut ža našyja «admarozki», ich niašmat, niachaj dva, niachaj try pracenty, ale heta samyja aktyŭnyja, samyja ambitnyja, samyja‑samyja admarožanyja ŭ lubym hramadstvie. Jany hatovyja raźviarnuć «nacyjanalna‑vyzvalenčuju vajnu». Im patrebnaja padstava. Ciapier usie kpiać z hetaha. I vy što, dumajecie, u ich niama čym vajavać? Im zaŭtra ž pryviazuć z Ukrainy, z Prybałtyki, u nas u asnoŭnym adtul, z Polščy kanały ŭ ich», – zajaviŭ jon.
«Imhnienna źjavicca zbroja, vybuchi, destabilizujuć abstanoŭku, i mnohija ŭ hramadstvie padumajuć: słuchajcie, heta ž zmahajucca za niezaležnaść, za śviatoje», – skazaŭ jon.
Detali kolišniaj razmovy z Sałanam
«Kali paŭstała pytańnie, tut byŭ i Sałana [najvyšejšy pradstaŭnik Jeŭrapiejskaha sajuzu pa pytańniach zamiežnaj palityki i palityki biaśpieki, hienieralny sakratar Rady Jeŭrasajuzu Chaŭjer Sałana. — NN], my ź im razmaŭlali... I kali mnie było pastaŭlenaje pytańnie pa Rasiei i inšaje, my spračalisia, spračalisia, a dalej ja jamu kažu: «Vy nam Rasieju zamienicie?» — «Nie, nie, nie». — «Tak čaho pierad nami pytańnie stavicie?!» Ja ŭžo prahmatyčnaje pytańnie zadaŭ... «Nie zamienicie. Bolš za toje, — kažu, — uličycie, my — adzin narod. My dumajem jak rasiejcy, jak rasijanie. My žyviem jak jany. U nas adnyja kaštoŭnaści...» Jon zrazumieŭ heta».
Kudrynu lačycca treba
Na adras rasijskaha vice-premjera i ministra finansaŭ Alaksieja Kudryna: «Mnie patłumačyli, što na jaho idzie mocny cisk. Jon mocna niervujecca i havoryć krychu nie toje. Tady — padlačycca. U jaho finansy dziaržavy ŭ rukach, i jon pačynaje takoje kazać. Zaŭtra jon i nie toje zrobić».
Pahadnieńnie pra SPA padpisana pad ciskam Maskvy
Łukašenka pryznaŭsia, što prasiŭ adkłaści padpisańnie damovy, ale vymušany byŭ paddacca.
«Tak, padpisali my hetuju damovu, što Rasija «hvałtam kryčała»… Nas papiaredzili amierykancy i jeŭrapiejcy: SPA — pytańnie numar adzin našych adnosinaŭ ź Biełaruśsiu».
«Ja tady adkryju sakret, kažu kiraŭnikam Rasii: słuchajcie, navošta bałamucić? Bo ž faktyčna supraćpavietranaja abarona siońnia pracuje ŭ intaresach Rasii. Usia infarmacyja ŭ režymie realnaha času pastupaje ŭ rasijskuju stalicu. Navošta tut jašče niejkaja Damova i astatniaje? Kab pijar niejki ŭ ŚMI raźviarnuć? Davajcie pačakajem, pakul my tut», — zajaviŭ Łukašenka. U adkaz na heta rasijski bok zajaviŭ: «Nie, nie!»
«Ale ja paabiacaŭ, ja ŭ svoj čas paabiacaŭ i kažu: «Niachaj, raz heta tak treba, padpišam. Padpisali. Praŭda, jeŭrapiejcy i amierykancy niejak pieražyli heta», — vykazaŭsia jon.
«Navat paśla hetaha MVF vydzieliŭ na 2 miljardy dalaraŭ kredytu. Što, vy dumajecie, biez amierykancaŭ? Dy amierykancy tam. Jany «ŭstrymalisia» padčas hałasavańnia». Nie hałasavali «za». Ale dali admašku i kažuć: «Vydzielić treba Biełarusi kredyt. Ciažkoje stanovišča. Treba vydzielić», — zajaviŭ A.Łukašenka.
