Staršynia arhkamiteta pa stvareńni Sacyjał-demakratyčnaj partyi «Svaboda» Siarhiej Skrabiec abrany dla ŭdziełu ŭ vybarach adzinaha kandydata ŭ prezidenty ad prajeŭrapiejskich sił, jakija projduć na Kanhresie za jeŭrapiejskija kaštoŭnaści 21 červienia ŭ Minsku.
Rašeńnie było pryniata na pasiadžeńni arhkamiteta pa stvareńni SDP «Svaboda», jakoje prajšło 12 červienia ŭ staličnym ofisie Partyi BNF. U pasiadžeńni ŭziali ŭdzieł kala 70 aktyvistaŭ.
Jak paviedamiŭ BiełaPAN S.Skrabiec, na pasiadžeńni abmiarkoŭvalisia try pytańni: stratehija inicyjatyvy «Jeŭrapiejskaja kaalicyja», da jakoj stvaranaja partyja «Svaboda» dałučyłasia ŭ pačatku maja, udzieł u Kanhresie za jeŭrapiejskija kaštoŭnaści i vyłučeńnie partyjnaha pradstaŭnika dla ŭdziełu ŭ vybarach adzinaha kandydata ad prajeŭrapiejskich sił. Stratehija Jeŭrapiejskaj kaalicyi była pryniataja, udzieł u kanhresie — uchvaleny.
Staršynia arhkamiteta pa stvareńni SDP «Svaboda» taksama adznačyŭ, što praviadzieńnie ŭstanoŭčaha źjezda partyi zapłanavana na vierasień.
