17 červienia ŭ Poznani ŭ miežach mižnarodnaj vystavy prajšła cyrymonija ŭznaharodžańnia 14‑ha ahulnapolskaha telekonkursu «Bazar».
Pieradača telekanału «Biełsat» — «Salda» była pryznanaja najlepšaj ekanamičnaj prahramaj polskaha telebačańnia.
Takoje rašeńnie pryniało žury konkursu, jakoje składałasia z pradstaŭnikoŭ najbujniejšych polskich telekanałaŭ — POLSAT, TVN 24, TVP, a taksama pradstaŭnikoŭ ekanamičnych strukturaŭ Polščy.
Televizijny konkurs «Bazar» prajšoŭ u 14‑ty raz. Na razhlad ekśpiertaŭ byli pradstaŭlenyja najlepšyja pracy žurnalistaŭ polskich telekanałaŭ na ekanamičnuju tematyku. U žury festyvalu «Bazar» uvajšli pradstaŭniki bujniejšych polskich telekanałaŭ — POLSAT, TVN 24, TVP, a taksama pradstaŭniki ekanamičnych strukturaŭ Polščy. Uznaharody ŭručalisia ŭ troch naminacyjach — «Najlepšy film‑repartaž», «Najlepšaja karotkaja reparciorskaja forma» i «Najlepšaja ekanamičnaja prahrama». Jak raz u treciaj naminacyi pieramahła prahrama pra biełaruskuju ekanomiku «Salda» telekanału «Biełsat», jaki ŭvachodzić u strukturu polskaha telebačańnia.
Aŭtar prahramy Alaksiej Minčonak zaznačyŭ:
‑ Unikalnaść «Salda» ŭ tym, što jana chiba adzinaja ŭ Biełarusi sapraŭdnaja ekanamičnaja teleprahrama, dzie štotydzień raspaviadajecca pra samyja važnyja padziei ŭ ekanomicy — čamu raście kurs dalara, čamu daražejuć pradukty ŭ kramach. U nas u kožnaj prahramie hości, jakija tłumačać ekanamičnyja miechanizmy i tendencyi.
Prahrama «Salda» robicca na terytoryi Biełarusi.
Alaksiej kaža, što pradstaŭniki dziaržaŭnych strukturaŭ ź nievialikaj achvotaj iduć na kantakt, a voś z dostupam na pryvatnyja pradpryjemstvy ŭ žurnalistaŭ prahramy prablemaŭ niama.U letni čas «Salda» vychodzić u efir nie budzie. Vychad prahramy adnovicca na telekanale «Biełsat» ŭ novym televizijnym sezonie 3 vieraśnia.
