Na sustrečy z Radaj biełaruskaj intelihiencyi viadomyja apazicyjnyja palityki zajavili pra namier razam zmahacca za pieramohu na nastupnych prezidenckich vybarach.
Sustreča adbyłasia 18 červienia. U joj uziali ŭdzieł namieśnik staršyni Partyi BNF Viktar Ivaškievič, staršynia Abjadnanaj hramadzianskaj partyi Anatol Labiedźka, adzin ź lideraŭ Jeŭrapiejskaha ruchu «Svabodnaja Biełaruś» Mikałaj Statkievič, namieśnik staršyni ruchu «Za Svabodu» Viktar Karniajenka, kaardynatar hramadskaj inicyjatyvy «Chartyja'97» Dźmitryj Bandarenka i były kandydat u prezidenty na vybarach 2006 hoda Alaksandr Kazulin.
Udzielniki dyskusii pahadzilisia z tym, što metaj demakratyčnych sił na vybarach kiraŭnika dziaržavy moža być tolki pieramoha.
Na nastupnym pasiadžeńni rady budzie abmiarkoŭvacca prajekt Abjadnanych demakratyčnych sił pa pracedury vyłučeńnia kandydatur dla ŭdziełu ŭ vybarach kiraŭnika dziaržavy.
0
0
0
0
0
0
