Heta ŭžo siomy «Boinh» u parku avijakampanii. Apošnija piać hadoŭ jon ekspłuatavaŭsia kitajskaj avijakampanijaj.
19 červienia ŭ Nacyjanalnym aeraporcie Minsk pryziamliŭsia kupleny avijakampanijaj «Biełavija» samalot «Boinh-737/300». Heta ŭžo siomy «Boinh» u parku avijakampanii. Usiaho na dadzieny momant «Biełavia» ekspłuatuje čatyry samaloty «Boinh-737/500», dva «Boinh-737/300», try «CRJ-100/200 LR», čatyry «Tu-154M» i adzin «Tu-134». Siońniašni nabytak dazvoliŭ vykanać prahramu papaŭnieńnia avijaparku ŭ 2009 hodzie.
«Biełavija» nabyła łajnier u lizinhavaj kampanii «International Lease Finance Corporation» (ZŠA). Dahetul ciaham 5 hadoŭ samalot ekspłuatavaŭsia kitajskaj avijakampanijaj «Air China».
Spačatku «boinh» budzie vykarystoŭvacca dla čarternych rejsaŭ — Turcyja, Bałharyja, Italija, Hrecyja i h.d., potym — pa asnoŭnych nakirunkach: Frankfurt, Łondan, Paryž dy inšyja.
