(Pavodle Adama Hłobusa)
 Druhi sprava - Adam Hłobus |
Pra hetyja praviły varta viedać, ale nieabaviazkova ich vykonvać…
1. Rabi tvory mienšyja za kampjutarny manitor, bo sensu ŭ bolšych pamierach niama anijakaha…
2. Abapirajsia na słova…
3. Vier u mastakoŭskuju zorku i nie paddavajsia spakusam nijakaj inšaj viery…
4. Viedaj: historyja mastactvaŭ składziena z rečaŭ vypadkovych, bo jakaść tvora nie harantuje jahonaha zachoŭvańnia ŭ biaźlitasnym časie…
5. Lubi naturu, bo tabie nie patrebna ŭdaskanalenaje navukoŭcami zaŭtra, i śviatarskija abiacańni lepšaha ci horšaha žyćcia paśla tvajoj śmierci…
6. Pomni: kachańnie natchniaje…
7. Nie kažy, što mastak – pieršaja i apošniaja volnaja prafiesija, a ŭsie astatnija – raby; bo nie zrazumiejuć…
8. Nie raźmieńvajsia na drobiaź, bo talent – hrošy…
9. Pradavaj chałturu, ale nie sprabuj chałturu pradavać za mastactva, chopić taho, što pradaješ chałturu…
10. Stvaraj źmiastoŭnyja formy, bo niama formy bieź źmiestu, jak niama źmiestu biez formy…
P. S.
11. Najvyšejšaje z mastactvaŭ – mastackija pavodziny.
Adam Hłobus. Mastak, litaratar, vydaviec. Hłobus, jaki ŭžo samym nie etnahrafičnym psieŭdanimam uzburyŭ tradycyju, byŭ suzasnavalnikam revalucyjnaj kulturnickaj supołki «Tutejšyja». Jašče ŭ 90-yja zrabiŭsia kaardynatnaj postaćciu non-kanfarmisckaha kulturnaha koła. Jon aŭtar knihi urbanistyčnaj paezii «Park», zbornikaŭ prozy «Adzinota na stadyjonie», «Śmierć — mužčyna», «Damavikameron», «Tolki nie havary majoj mamie», «Kojdanava», «sUčaśniki».
Z apošniaha - nie tak daŭno ŭ Minsku prajšła prezientacyja novaj knihi Adama Hłobusa «Play.By», a razam ź joj jaho pieršaja piersanalnaja mastackaja vystava «Mahma». Na vokładcy vieršavanaha zbornika Ihara Babkova «Zasynać, pračynacca, słuchać hałasy ryb» źjaviłasia Hłobusava karcina «Pjanica».
.
