Fota BIEŁTA
«MUS vymahaje hłybokich reformaŭ i strukturnaj pierabudovy».
Pra heta zajaviŭ 29 červienia na naradzie z apieratyŭna‑kiraŭničym składam orhanaŭ unutranych spraŭ u Minsku Alaksandr Łukašenka. Na dumku kiraŭnika dziaržavy, refarmavańnie biełaruskaj milicyi pavinna prachodzić u spakojnym režymie. Ni ŭ jakim vypadku nie pavinna być i tatalnaj čystki šerahaŭ.
«Na karennuju łomku milicyi ja nie pajdu, ja za reformy ŭdaskanaleńnia», — padkreśliŭ kiraŭnik dziaržavy.
Łukašenka taksama zajaviŭ, što nieraskrytaja sprava pra vybuch 4 lipienia — hańba pra pravaachoŭčych orhanaŭ, zaznačyŭšy, što vinavatyja dasiul nieviadomyja.
«Vinavatyja da hetaha nie ŭstanoŭlenyja, taksama jak i nie raskrytyja vybuchi ŭ Viciebsku. Heta hańba dla pravaachoŭčych orhanaŭ», — skazaŭ jon.
Łukašenka taksama spyniŭsia na pravałach u apieratyŭna-vyšukovaj, ahienturna-apieratyŭnaj pracy orhanaŭ unutranych spraŭ.
«Vašyja apieratyŭnyja pazicyi nie vytrymlivajuć nijakaj krytyki, u hetaj pracy vy zhubili pačućcio realnaści i zabyli pra zakon».
Na dumku kiraŭnika dziaržavy, zamiest stvareńnia efiektyŭnaha miechanizmu prafiłaktyki karupcyi majuć miesca fakty pravakacyj i padšturchovańnia słužbovych asob da atrymańnia chabaru i ździajśnieńnia inšych karupcyjnych złačynstvaŭ.
Łukašenka skazaŭ, što pravierka vyjaviła 78 faktaŭ takich «ahidnych pravakacyj».
Zakranuŭ biełaruski lider i prablemu karupcyi ŭ MUS, zaznačyŭšy, što sioleta ŭ MUS zarehistravana 41 złačynstva karupcyjnaj skiravanaści, na jakich zaśpiety 31 supracoŭnik, a najbolš składanaja situacyja z dyscyplinaj asabistaha sastavu skłałasia va ŭpraŭleńniach unutranych spraŭ Hrodzienskaha i Viciebskaha abłvykankamaŭ, dzie kolkaść parušeńniaŭ uzrasła na 70% i 47% adpaviedna.
Łukašenka skazaŭ, što ŭ asobnych vypadkach uźnikajuć niebiaśpiečnyja źjavy, kali milicyja stanovicca instrumientam ustaranieńnia niepažadanych asob, kankurentaŭ i vykarystoŭvajecca kankurentami i pradstaŭnikami kryminała «dla dasiahnieńnia asabistych i karyślivych intaresaŭ».
***
Alaksandr Łukašenka ličyć nieabchodnym uzmacnić pakarańnie za parušeńni na darohach.
Značnyja sankcyi, na dumku kiraŭnika dziaržavy, nieabchodna prymianiać da tych, chto sadzicca za rul u stanie ałkaholnaha apjanieńnia.
«Pjanstva za rulom pavinna być vykaraniena»,— skazaŭ Łukašenka.
Jon padkreśliŭ, što žorstkija patrabavańni, pierš za ŭsio, treba prymianiać da vadzicielaŭ. «U čym vinavaty čałaviek, jaki idzie pa darozie, nie parušajučy pravił? Jon što, udzielničaje ŭ niejkich zabaronienych mierapryjemstvach? Nie!» — adznačyŭ kiraŭnik dziaržavy.
Łukašenka taksama źviarnuŭ uvahu na toje, što kožny złačyniec pavinien pamiatać ab pryncypie niaŭchilnaści pakarańnia. I kala vytokaŭ hetaj raboty staić u pieršuju čarhu milicyja. Havoračy ŭ cełym ab prablemie pjanstva, prezident ličyć, što zabaronnyja miery nie daduć nijakaha efiektu.
Na jaho dumku, nieabchodna šukać inšyja alternatyŭnyja mietady dla baraćby z hetym złom.
Źviartajučysia da ŭdzielnikaŭ narady, Alaksandr Łukašenka akcentavaŭ uvahu na tym, što da hetaha času nie stvorana efiektyŭnaja sistema abarony ekanamičnych intaresaŭ dziaržavy. U minułym hodzie było vyjaŭlena amal 700 kradziažoŭ u bujnym i asabliva bujnym pamierach, uron ad jakich skłaŭ Br77 młrd., pavialičyŭšysia ŭ paraŭnańni z papiarednim hodam na Br25 młrd. U 2009 hodzie jon składaje kala Br6 młrd. Na dumku kiraŭnika dziaržavy, u dziejańniach milicyi adsutničajuć nastupalnaść i inicyjatyva. «Mnie nie padabajucca vyniki vašaj raboty pa procidziejańni kryminalizacyi ekanomiki. Pravaachoŭnyja orhany nie vałodajuć situacyjaj u poŭnym abjomie i nie pracujuć pa praduchileńni niehatyvu ŭ hetaj śfiery. Asabliva pa abaronie maštabnych nacyjanalnych prajektaŭ i pierśpiektyŭnych inviestycyjnych prahram», — zajaviŭ kiraŭnik dziaržavy. Jon taksama dadaŭ, što čakaje vyčarpalnych mier pa achovie ad raskradańnia dziaržaŭnaj ułasnaści i narodnaha bahaćcia.