Padazravanymi va ŭčynieńni vybuchu ŭ Minsku 4 lipienia 2008 hodu pabyvała 120 čałaviek. Śledstva viadziecca kruhłasutačna, zajaŭlajuć u kiraŭnictvie MUS.
Načalnik upraŭleńnia pa baraćbie z arhanizavanaj złačynnaściu MUS Aleh Piakarski paviedamiŭ Interfaksu, što za hod paśla vybuchu na letašni Dzień niezaležnaści ŭ Minsku ŭ jakaści padazravanych pa hetaj kryminalnaj spravie prajšli 120 čałaviek.
Ich trymali pa 10 sutak ŭ siza, ale potym vyjaviłasia, što nichto ź ich nie datyčny da arhanizacyi vybuchu.
Adbitki palcaŭ uziatyja ŭ 1,3 miljona čałaviek. 12 tysiač čałaviek admovilisia ad hetaj pracedury.
Ciapier śledstva maje jašče 2 viersii złačynstva, 3 viersii ličacca adpracavanymi.
Śledstva maje psichałahičny partret złačyncy, ale dakładnaha fotarobata nie maje i nie vyklučaje, što jon pakinuŭ miežy Biełarusi.
Tym nie mienš načalnik minskaj milicyi Leanid Farmahiej zapeŭnivaje: praca pa raskryćci złačynstva idzie płanava i ŭpeŭniena, u milicyi dastatkova śladoŭ čałavieka, jaki vyrabiŭ vybuchovaje prystasavańnie.
0
0
0
0
0
0
