6 lipienia 2009 h. u Vilni pamior viadomy litoŭski historyk Stanisłovas Łazutka. U Biełarusi jon byŭ viadomy najpierš jak vydaŭca Pieršaha Statutu VKŁ 1529 hodu, a taksama Sudovych knih Mietryki VKŁ. Jašče ŭ 1968 h. praf. Łazutka zasnavaŭ u Vilenskim Univiersitecie daśledčuju hrupu Litoŭskich Statutaŭ i Litoŭskaj Mietryki. Na biełaruskuju movu pierakładałasia jahonaja praca «Leŭ Sapieha: Žyćcio, dziaržaŭnaja dziejnaść, palityčnyja i fiłasofskija pohlady» (Mahiloŭ, 2004).
Praf. Łazutka naradziŭsia 7 maja 1923 h. u Sibiry u siamji naščadkaŭ sasłanych litoŭskich paŭstancaŭ. U 1950-ch hadach pracavaŭ u CK Kampartyi Litvy, ad čaho ŭžo ŭ paźniejšy čas da jaho było nieadnaznačnaje staŭleńnie. Tym nie mienš, i sučasnaja litoŭskija ŭłady ŭhanaroŭvali praf. Łazutku jak vydatnaha navukoŭca.
Praf. Łazutka byŭ simpatykam Biełarusi i tym redkim siarod litoŭskich historykaŭ navukoŭcam, jaki paśladoŭna ŭžyvaŭ termin «starabiełaruskaja mova».
Viečnaja pamiać!
