(pavodle Andreja Hniota)
Andrej Hniot |
Andrej Hniot. Režysior rekłamy i muzyčnaha videa, aŭtar bolšaści bujnych rekłamnych pracaŭ apošnich hadoŭ. Naradziŭsia i ros u Minsku. Skončyŭ žurfak BDU, paralelna pracujučy ŭ ŚMI, za što jaho sprabavali adličvać amal štosiemiestr. U 2005, razabraŭšysia ŭ svaich pamknieńniach i mahčymaściach, stvaryŭ razam z partniorami kinakampaniju «Partyzan pradakšn».
1. Pieršaje mierkavańnie — najmacniejšaje i amal zaŭsiody słušnaje. Mienavita ź pieršaha pozirku ty imhnienna i nieśviadoma acenvaješ čałavieka, učynak, scenar abo kadr. I tolki paśla ŭmiešvajecca tvoj padstupny mozh, jaki namahajecca dać interpretacyju ŭ zaležnaści ad tvajho nastroju, žyćciovaha dośviedu i emacyjnaha pieradsudu. Zabłytaŭsia? Spynisia i pryhadaj svaju pieršuju dumku i acenku.
2. Budź ščyrym. Ničoha tak nie vykryvaje falšyvaść, jak ekran: karcinka i huk. Zrazumieła, kali znojdziecca toj hladač, jaki ŭmieje pravilna «čytać», a jon abaviazkova znojdziecca!
3. Pryhadaj, što viedaješ ci bačyŭ — i zrabi inačaj. Navat kali tabie zhadaŭsia čyjści film, kreatyŭnaja fiška abo ideja — nie varta ich paŭtarać. Remiks redka kali lepšy za aryhinał.
4. Daviaraj unutranamu hołasu. Niachaj ty dziesiać razoŭ pamyliŭsia i dziesiać razoŭ nie mieŭ racyi — hałoŭnaje, što ty zrabiŭ heta sam.
na zdymkach rekłamy adnaho z mabilnych apierataraŭ. Fota - Maksim Malinoŭski |
5. Jakim by dobrym nie było toje, što ty stvaryŭ, abaviazkova znojducca tyja, kamu heta katastrafična nie spadabajecca. Kali ślepa słuchacca krytykaŭ — budzieš kružlać pa začaravanym kole: zrabiŭšy śmiešnaje sumnym, pačuješ: «Heta zmročna», zrabiŭšy sumnaje viasiołym, paniasiecca: «Heta zanadta śmiešna». U takich vypadkach lepiej paŭtarać praviła 4.
6. Prymaj krytyku słušna i mužna. Nie zaŭsiody varta pytacca: «A sudździ chto?»
7. Nikoli nie abahaŭlaj taho, što stvaryŭ. Bo zaŭždy možna zrabić lepš.
8. Lubi toje, što robiš. Jakim biazdarnym nie padavaŭsia b prajekt, znajdzi ŭ im toje, što ty palubiš. Adno lubiačy, možna dabicca pośpiechu.
9. Padčas zdymak klipa nichto nie pavinny paciarpieć. Tym bolš žyvioły, jany — śviatyja.
10. Słova «niemahčyma» nie isnuje. Zaŭsiody možna ździejśnić zadumanaje. Pieramovy, hrošy, čas, kampramisy i jašče sotnia instrumientaŭ, jakimi možna i varta karystacca. Prosta dziela hetaha treba adarvać svoj azadak. A heta — najskładaniej.