Minski kaścioł biernardzincaŭ nie mohuć addać viernikam z‑za taho, što niama kudy pieramiaścić raźmieščanyja ŭ hetym budynku fondy archivaŭ.
Pra heta zajaviŭ 15 lipienia na pres‑kanfierencyi ŭ Minsku ŭpaŭnavažany pa spravach relihij i nacyjanalnaściaŭ Biełarusi Leanid Hulaka. U pryvatnaści, heta archiŭnyja fondy navukova‑techničnaj dakumientacyi i archiva‑muzieja litaratury i mastactva.
«Nakolki ja viedaju pazicyju archivu, jany nie suprać taho, kab pieradać budynak kaścioła viernikam. Ale vykinuć archiŭ u jakijaści nie prystasavanyja dla hetaha budynki — taksama drenna. Heta dziaržaŭny archiŭ.
Niekalki hadoŭ tamu stajała pytańnie ab tym, kab pabudavać novy budynak archivu, ale hetaje pytańnie tak i nie vyrašana», — skazaŭ Hulaka.
Jak raniej paviedamlaŭ BiełaPAN, z 19 sakavika 2005 hoda členy staličnaj rymska‑katalickaj hramady śviatoha Jazepa pravodziać štodzień viačernija malebny za viartańnie viernikam budynkaŭ Minskaha klaštaru biernardzincaŭ z kaściołam — pomnika architektury baroka ChVII stahodździa.
Budynak śviatyni, uźviedzieny na srodki viernikaŭ, byŭ kanfiskavany ŭ 1864 hodzie ŭładami Rasijskaj impieryi za ŭdzieł prychadžan u nacyjanalna‑vyzvalenčym paŭstańni. Archiŭnyja ŭstanovy znachodziacca ŭ kaściole z 1897 hoda.
BiełaPAN
