Fota Julii Daraškievič.
Ad zaŭtrašniaha źniavoleny Mikałaj Aŭtuchovič spyniaje haładoŭku. Pra heta jon paviedamiŭ svajmu advakatu Paŭłu Sapiełku.
Rekordnaja haładoŭka Aŭtuchoviča doŭžyłasia roŭna try miesiacy ad 16 krasavika da 16 lipienia. Uvieś hety čas jon znachodziŭsia tolki na hlukoznych kropielnicach, straciŭ bolš za 25 kiłahramaŭ vahi.
Aŭtuchovič patrabavaŭ źmianieńnia miery strymańnia pad vartaj ci chutčejšaha razhladu spravy. Za kratami vaŭkavyski pradprymalnik znachodzicca ad 8 lutaha.
Kali pieršapačatkova abvinavačvańni hruntavalisia na padpałach damoŭ miascovych čynoŭnikaŭ, to potym byŭ znojdzieny jašče i hranatamiot. Pa hetaj samaj spravie taksama zatrymanyja Jury Lavonaŭ, Uładzimir Asipienka, Kanstancin Ułanaŭ.
U znak salidarnaści z Aŭtuchovičam haładoŭku pravodziŭ «Małady front», da jaje dałučalisia taksama lidery apazicyi. A napiaredadni hrupa z 28 palitykaŭ i hramadskich dziejačaŭ źviarnułasia z adkrytym listom da Aŭtuchoviča, dzie prasili spynić haładoŭku.
0
0
0
0
0
0
