Ad zalevaŭ, navalnic i paryvistaha vietru, jakija 19 lipienia prynios u Biełaruś chałodny atmaśfierny front, paciarpieli Bresckaja, Hrodzienskaja, Minskaja i Mahiloŭskaja vobłaści, paviedamili BiełaPAN u Ministerstvie pa nadzvyčajnych situacyjach.
Pavodle papiaredniaj infarmacyi, była parušana padača elektraenierhii ŭ 41 nasielenym punkcie, zafiksavany try vypadki paškodžańnia dachu žyłych damoŭ. U Minsku praz pavalenyja drevy na čatyroch vulicach utvarylisia zavały, paškodžany dva aŭtamabili (paciarpiełych niama).
Trahičny vypadak adbyŭsia dniom na voziery Śviciaź u Navahradskim rajonie Hrodzienskaj vobłaści: zahinuła dzicia 2001 hoda naradžeńnia.
Małanka trapiła ŭ dreva, dzie jano z baćkami chavałasia ad navalnicy. Dreva ŭpała i naniesła dziciaci śmiarotnyja traŭmy.
Pavodle infarmacyi Respublikanskaha hidramieteacentra, paryvy vietru ŭ Hrodzienskaj vobłaści dasiahali 23—26 m/s (u Navahrudku — 24 m/s).
Dziesiaćciu dniami raniej ad udaru małanki ŭ Stoŭbcach (Minskaja vobłaść) zahinuli dva padletki, jakija taksama chavalisia pad drevam.
0
0
0
0
0
0