Paśla tajamničaj hibieli dzieviaci małych błakitnych pinhvinaŭ (Eudyptula minor) na praciahu apošnich dvuch tydniaŭ na terytoryi nacyjanalnaha parku niedaloka ad Sidneja (Aŭstralija), ŭłady naniali dźviuch prafiesijnych snajpieraŭ achoŭvać pazastałych ptušak z hetaj kałonii.
Snajpiery ŭžo pačali načnoje patrulavańnie terytoryi i atrymali dakładnyja instrukcyi nakont taho, jak jany pavinny dziejničać u roznych situacyjach.
Akramia ich, patrulavańnie ŭ ciomny čas sutak (kali ptuški apynajucca ŭ najbolšaj niebiaśpiecy) ažyćciaŭlajuć niekalki vałancioraŭ.
Hałoŭnymi padazronymi ŭ zabojstvie hetych samych maleńkich u Śviecie pinhvinaŭ (ich rost kala 40 sm i vaha nie bolšaja za 1 kh) jość badziažnyja sabaki i lisy.
Kab pavialičyć šancy na vyniščeńnie pinhvinich zabojcaŭ, dadatkova byli rasstaŭleny łavuški.
Selli Bejrns sa Słužby parkaŭ i dzikaj pryrody Novaha Paŭdniovaha Ŭelsu ŭpejnieny, što tak ci inakš u ludziej atrymajecca prypynić dalejšyja źniknieńni pinhvinaŭ.