Paet‑błukalnik Słavamir Adamovič pierasiok miažu, ale źviestak pra jaho niama.
Znakamity paet Słavamir Adamovič, jaki 7 hadoŭ pražyŭ u Narviehii ŭ statusie ŭciekača, mieŭ byŭ u subotu pierasiačy polska‑biełaruskuju miažu. Ale pakul paet nie abjaviŭsia.
Adamovič pierad hetym nieadnarazova pradkazvaŭ «skandał», bo viartajecca bieź nieabchodnych dakumientaŭ. Termin dziejańnia jahonaha biełaruskaha pašpartu skončyŭsia jašče ŭ 2007 hodzie, a dabracca da kansulatu ŭ Stakholmie ŭ jaho nie było srodkaŭ.
U pres‑słužbie Dziaržaŭnaha pamiežnaha kamiteta RB «Našaj Nivie» adkazali, što hramadzianin Adamovič Słavamir biez usialakich prablemaŭ pierasiok miažu 18 lipienia ŭ Hrodnie.Kiraŭnik pres‑słužby Alaksandr Ciščanka byŭ vielmi aburany pavodzinami Adamoviča pierad pryjezdam. Jon skazaŭ, što byŭ čytaŭ ŽŽ Adamoviča i nie razumieje zajavy paeta nakont taho, što jaho nibyta mohuć nie puścić u Biełaruś. «Kožny hramadzin Biełarusi moža viarnucca ŭ svaju krainu, navat kali termin dziejańnia pašpartu skončyŭsia».
Datelefanavacca da samoha paeta my pakul nie zdoleli. Jahony narviežski telefon u paniadziełak byŭ adklučany. Numar jahonaj siastry nie adkazvaŭ, a mama Juzefa ŭ Alchoŭcy (Miadzielski rajon) telefona nie maje.
Spadziajomsia, što ŭ paeta ŭsio dobra i jon prosta ŭziaŭ paŭzu, viarnuŭšysia narešcie dachaty paśla šmathadovych błukańniaŭ. A svaja chatka jana ž jak rodnaja matka.
0
0
0
0
0
0
