Znakamity pierakładčyk Siarhiej Smatryčenka apaviadaje pra svajo padarožža ad Skandynavii da Alpaŭ z dapamohaj kaŭčsiorfinhu.
Načoŭki mierkavalisia ŭ Stakholmie, Kapienhahienie, Hamburhu, Amsterdamie, Bruseli, Strasbury, Ciurychu i Miunchienie, znojdzienyja jany byli pieravažna praz kaŭčsiorfinh, to bok zadarma. Naturalna, ja ŭličvaŭ mahčymaść niedajezdu ŭ peŭny dzień u peŭnaje miesca, na hety vypadak u nas byli dyvanki i spalniki. Ale pa prybyćci ŭ aeraport Stakholm Skaŭsta my nie znajšli našaha bahaža, jaho paprostu nie dastavili, što asabliva mianie, miakka kažučy, rasstroiła i ja da abiedu nastupnaha dnia nie moh vyrašyć, što rabić, ci nie lepš zastacca i čakać rečaŭ da ŭporu - ale tady palacieŭ by ŭvieś hrafik. Niekatoryja viedajuć, jaki ja byvaju, kali ja ŭ stresie i nie ŭ humory, tamu maim spadarožnicam nie zajzdrošču i nie ździŭlajusia, što adna ź ich, uhavaryŭšy mianie ŭsio ž jechać — a z rečaŭ u mianie było tolki lohkaje adzieńnie na sabie...
(Dla čajnikaŭ: kaŭčsiorfinh (couchsurfing) — sposab vandravańnia, pry jakim padarožnyja spyniajucca ŭ ludziej, kantakty jakich jany znachodziać praź Internet. Isnuje, naprykład, voś taki sajt dla hetaha).
