Maładafrontaŭku Nastu Pałažanku zatrymali za raspaŭsiud bukletaŭ na nacyjanalnuju tematyku. Heta zdaryłasia na malitoŭnaj sustrečy moładzi ŭ Iviancy, što prachodziła na vychodnych.
Zatrymali jaje katalickija aktyvisty‑družyńniki. Pałažanka razdavała junakam buklety «Ściah i hierb Biełarusi».
Pa słovach dziaŭčyny, chłopcy atačyli jaje sa słovami: «Tut malitoŭnaja sustreča, a nie palityčnaja akcyja!».
«U buklecie pra palityku ni słova. Tam pra bieł‑čyrvona‑bieły ściah Chrysta — nacyjanalny ściah biełarusaŭ», — aburajecca Pałažanka. Ź jaje słovaŭ, družyńniki viedali, što na sustrečy prysutničajuć maładafrontaŭcy i metanakiravana šukali ich.
Družyńniki zdali Nastu Pałažanku milicyjantam, a tyja advieźli jaje ŭ rajadździeł Ivianca. Milicyjanty skłali pratakoł vymańnia dvuch dziasiatkaŭ bukletaŭ i praz paŭtary hadziny adpuścili dziaŭčynu na svabodu.
0
0
0
0
0
0
