Novym kiraŭnikom 3‑iaj asobnaj Čyrvanaściažnaj bryhady śpiecnazu vajskovaj častki 3214 (Uručča) staŭ Chazałbiek Bachcibiekavič Atabiekaŭ, paviedamiŭ «Našaj Nivie» pres‑sakratar unutranych vojskaŭ Siarhiej Kabakovič.
Źmiena źviazanaja z tym, što były kiraŭnik śpiecnazu Jury Karajeŭ pajšoŭ na pavyšeńnie. Ciapier jon zajmaje pasadu pieršaha namieśnika načalnika apieratyŭnaj i bajavoj padrychtoŭki ŭnutranych vojskaŭ MUS. Karajeŭ byŭ načalnikam śpiecnaza mienš za hod. Da hetaha bryhadaj kamandavaŭ Dźmitry Paŭličenka.
U lipieni letaś asiecin Jury Karajeŭ uznačaliŭ Minski połk milicyi śpiecnazu HUUS Mienharvykankamu. Jon zamianiŭ Juryja Padabieda, u jakoha nibyta ŭźnikli prablemy sa zdaroŭjem. Darečy, ciapier Padabied uznačalvaje asabistuju achovu viadomaha biźniesoŭca Juryja Čyža.Da hetaha Karajeŭ pracavaŭ u Homieli.
A litaralna praz dva z pałovaj miesiacy Karajeŭ atrymaŭ novaje pryznačeńnie. Va ŭručanski śpiecnaz jon pryjšoŭ na miesca Dźmitryja Paŭličenki. Zamiest siabie ž pakinuŭ Alaksandra Łukomskaha.
Chazałbiek Atabiekaŭ u 1990 hodzie skončyŭ Minskaje vyšejšaje vajenna‑palityčnaje ahulnavajskovaje vučylišča. U 2005 hodzie Atabiekaŭ byŭ uznaharodžany miedalom «Za biezdakornuju słužbu», u toj čas jon źjaŭlaŭsia načalnikam adździaleńnia bajavoj padrychtoŭki v/č — 3214.
U žniŭni 2007 hodu novamu kiraŭniku śpiecnaza było prysvojena zvańnie pałkoŭnika.
0
0
0
0
0
0
