Čarhovaj achviaraj ahniu staŭ mikraaŭtobus «Folksvahien», jaki zhareŭ siońnia ŭnočy na vulicy Plachanava.
28 lipienia, vuł. Haradzieckaja. Fota Onliner.by
30 lipienia, zav. Kłumava. Fota Siarhieja Ismulina, TUT.BY
31 lipienia, vuł. Plachanava. Fota Onliner.by
Za apošnija čatyry dni ŭ Minsku zhareli čatyry aŭtamabili. Pieršaje zdareńnie adbyłasia 28 lipienia va Uruččy, na vulicy Haradzieckaj. Tady ŭnočy adnačasova zhareli dva lehkavika, pryparkavanych pobač — «Mazda CX7» i «Hyundai Terracan». Pa dadzienym fakcie RUUS Pieršamajskaha rajonu ładzić pravierku. Pavodle papiaredniaj infarmacyi, pryčynaj zdareńnia stała ŭzharańnie ruchavika adnaho z aŭtamabilaŭ. Pa słovach ža niekatorych vidavočcaŭ, hareć pačało pamiž lehkavikami.
Nastupny padobny incydent zdaryŭsia 30 lipienia a 2-j nočy ŭ zavułku Kłumava — zahareŭsia lehkavik «Reno». Spravaj zajmajecca Partyzanski RUUS. Adzin ź vidavočcaŭ pažaru paviedamiŭ partału TUT.BY, što kapot «Reno» hareŭ niby ablity bienzinam.
A siońnia ŭnočy zhareŭ mikraaŭtobus «Folksvahien». Zdaryłasia heta na vulicy Plachanava. Na forumie Onłajniera paviedamlajecca pra słovy vidavočcaŭ, što nibyta padpał ździejśnili nieviadomyja. U Leninskim RUUS «Našaj Nivie» paćvierdzili infarmacyju pra pažar, zaznačyŭšy, što da ich pastupiła zajava ŭładalnika aŭto, adnak padrabiaznaści zdareńnia nie paviedamili.
