Supracoŭniki Upraŭleńnia pa narkakantroli i supraćdziejańni handlu ludźmi MUS RB sumiesna z kalehami z Rasii, Litvy i Łatvii spynili dziejnaść mižnarodnaj złačynnaj hrupoŭki, jakaja zajmałasia kantrabandnymi pastaŭkami z Rasii ŭ krainy Zachodniaj Jeŭropy syraviny dla vytvorčaści sintetyčnych narkotykaŭ.
Jak paviedamlaje pres-słužba MUS, narkapalicejskija krain vyjavili i abiasškodzili doŭhi łancužok, pa jakim padpolnyja łabaratoryi ŭ Jeŭropie atrymlivali nieabchodnuju syravinu z chimičnaha zavoda ŭ Rasii.
Złačyncy vykarystoŭvali schiemu vyvadu syraviny ź lehalnaha abarotu. Na adnym z pradpryjemstvaŭ Piermi vyrablaŭsia bienziłmieciłkieton (BMK), jaki pavodle fiktyŭnych dakumientaŭ źnikaŭ z vytvorčaj bazy i raspaŭsiudžvaŭsia praź sietku padstaŭnych maskoŭskich firmaŭ pradstaŭnikami mižnarodnaj złačynnaj hrupiroŭki.
15 lipienia ŭ vyniku apieracyi rasijskich śpiecsłužbaŭ była spynienaja sproba kupli pradstaŭnikami kryminaliteta 585 kh BMK na zavodzie-vytvorcy. Rečyva pryznačałasia dla dalejšaj kantrabandy ŭ Biełaruś i prybałtyjskija krainy.
Z ukazanaj kolkaści BMK ŭ padpolnych łabaratoryjach možna zrabić 700 kh amfietamina ci mietamfietamina. Heta składaje 8 młn. razavych dozaŭ koštam kala 10 młn. dalaraŭ ZŠA.
