Fota onliner.by
Namieśnik staršyni Partyi BNF trapiŭ u špital nieprytomnym.
Namieśnik staršyni Partyi BNF Alaksiej Janukievič trapiŭ u aŭtakatastrofu. Učora jon pozna viečaram viartaŭsia na aŭtamabili dadomu ŭ Čyžoŭku. Zdareńnie adbyłosia na kalcy kala aŭtavakzału «Ŭschodni».
«Pa ščyraści, ja ničoha nie pamiataju. Ad udaru adrazu straciŭ prytomnaść. Tolki potym mnie raskazali, što ŭ aŭtamabil ŭrezaŭsia busik, za styrnom jakoha siadzieŭ pjany kiroŭca. Jon niośsia na čyrvonaje śviatło», — kaža A.Janukievič.
Palityk atrymaŭ čerapna‑mazhavuju traŭmu. Daktary nakłali švy. Alaksiej skardzicca, što hałava krychu balić. «Uvohule, kali aprytomnieŭ, to nie zrazumieŭ, ci heta adbyvajecca sa mnoj nasamreč, ci heta son.
Było šmat kryvi, ja ŭ chutkaj dapamozie. Doŭha nie moh zrazumieć, što da čaho», — raskazvaje namieśnik staršyni Partyi BNF.
Ciapier Janukievič znachodzicca ŭ 10‑aj balnicy ŭ Čyžoŭcy. Pa papiarednich prahnozach, u špitali jon budzie znachodzicca jašče bolš za tydzień.
0
0
0
0
0
0
