Biezvynikova skončyŭsia čarhovy pachod hrupy žančynaŭ da staršyni Viarchoŭnaha sudu.
Hrupa žančynaŭ — svajačak asudžanych, a taksama niazhodnych z rašeńniami sudoŭ 3 žniŭnia nakiravalisia na sustreču da staršyni Viarchoŭnaha sudu Valancina Sukały. Žančyny chacieli źviarnuć uvahu staršyni na asablivaści dačynieńniaŭ z čynoŭnikami Viarchoŭnaha sudu, a mienavita na vialikuju kolkaść adpisak ź ich boku. Adnak Valancin Sukała nie pryniaŭ delehatak hrupy. Hrupa žančynaŭ pakinuła zapis u knizie skarhaŭ sudu. «Jany paabiacali prychodzić u sud štomiesiac, da toj pary, pakul ich nie prymie staršynia» — paviedamiła pravaabaronca Tamara Siarhiej.
Heta nie pieršy biezvynikovy vizit žančynaŭ u Viarchoŭny sud. 7 lipienia hetaha hodu V. Sukała admoviŭsia utrakacca z delehatkaj ad hrupy žančynaŭ Halinaj Jubko. Admova była patłumačanaja tym, što sud razhladaje tolki indyvidualnyja zvaroty i nie zajmajecca kalektyŭnymi. Siońniašniaja admova sustrecca nie była prakamientavanaja.