(pavodle Źmitra Vajciuškieviča)
Źmicier Vajciuškievič |
1. Nikoli nie źviazvajsia ź ludźmi niaščyrymi, haŭniukami, durniami... (śpis šyrejšy).
2. Adčuvaj volnuju prastoru dla adkryćcia (chaj sabie i łakalnaha). Pieršy — najlepšy. Staŭ niedasiahalnyja zadačy. Składanaść — šlach da nutranaha daskanaleńnia i pośpiechu.
3. Biary bolš, čym možaš zrabić, pamylajsia.
4. Umiej adpuścić, zabyć ździejśnieny prajekt.
5. Słuchaj, analizuj. Šmat pytajsia i i prysłuchoŭvajsia da inšych. I… nikoha nie słuchaj.
6. Pišy muzyku ŭvadnačaśsie i prosta i składana.
7. Adpačyvaj i vučysia adpačyvać.
8. Nie śpiašajsia być papularnym. Vučysia žyć na scenie doŭha. Hałoŭnaje — šukać svajo.
9. Syšoŭšy na hod kolki z prafiesii — nie viartajsia.
10. Adpracuj pierad Usiavyšnim svoj talent. Nieadpracavanaść talentu — vialiki hrech.
Źmicier Vajciuškievič. Zasnavalnik lehiendarnaha folk-hurta Kryvi. Na pačatku 2000-ch pačaŭ solnuju karjeru. Čałaviek-arkiestr, uładalnik aksamitnaha vakału, Źmicier vykonvaje rok, džaz, šanson, a taksama narodnyja pieśni (navat japonskija). Piša pieśni na słovy Baradulina, Drańko-Majsiuka, Niaklajeva i Kamockaha.