BATE pieramoh «Vientśpiłs» ź likam 2:1, ale pa sumie dvuch matčaŭ (2:2) u nastupny raŭnd prachodzić łatvijski kłub.
Matč 3-ha kvalifikacyjnaha raŭndu Lihi čempijonaŭ prajšoŭ u Barysavie ŭ sieradu, 5 žniŭnia.
Pačałasia hulnia nadzvyčaj aptymistyčna. BATE pieršyja chvilin siem siadzieŭ na varotach «Vientśpiłsa» i, zdavałasia, što dva miačy nam harantavana. Tak jano i stałasia ŭ vyniku, ale…
Na 14-j chvilinie biełarusy atrymali chałodny duš.
Paśla padačy čarhovaha vuhłavoha łatvijcy vyjšli napierad – 1:0. Vyznačyŭsia Ihar Cyhyrłaš.
Ciapier BATE, kab vyjści ŭ nastupny etap, treba było zabivać try miačy.
Na 43-j chvilinie lik zraŭniaŭ – znoŭ paśla rozyhryšu vuhłavoha – Siarhiej Kryviec. 1:1.
Druhi tajm taksama pačaŭsia aptymistyčna dla biełaruskich zaŭziataraŭ. Toj ža Kryviec paśla fantastyčnana pravału «Vientśpiłsa» ŭ abaronie vyvieŭ biełarusaŭ napierad – 2:1.
Zdavałasia, što zabić adzin hoł – raz plunuć. Hości ledź ssoŭvali nohi pa poli, prynamsi na čužoj pałovie.
Jak nie trapiŭ u varoty praz chvilinu paśla svajho vychadu na pole Maksim Skavyš na 75-j chvilinie? Zahadka.
BATE nie zdoleła pastavić tłustuju kropku ŭ hulni. Niahledziačy navat na toje, što sudździa Alaksandr Tudar dadaŭ piać chvilin. Amal usie našyja ataki hasiŭ hałkipier haściej Andrej Paŭłaŭ.
2:1.
U Vientśpiłsie łatyšy vyjhrali 1:0, takim čynam ahulny lik 2:2, ale za košt miača zabitaha ŭ haściach
u plej-of kvalifikacyi Lihi čempijonaŭ vychodzić «Vientśpiłs».
Što praŭda, BATE pasprabuje prabicca ŭ hrupavy turnir Lihi Jeŭropy praź plej-of kvalifikacyi.
Losavańnie – 7 žniŭnia, u piatnicu. Matčy 20 i 27 žniŭnia.
