Kapitan «Espańoła», abaronca Daniel Charkie pamior ad sercavaj niedastatkovaści padčas pieradsiezonnaha zboru kamandy ŭ Italii.
U subotu 26-hadovy futbalist uziaŭ udzieł u ranišniaj treniroŭcy, ale nadviačorkam, razmaŭlajučy na telefonie sa svajoj dziaŭčynaj, jon niečakana straciŭ prytomnaść. Daktary «Espańjoła» sprabavali vyratavać jamu žyćcio z dapamohaj defibrylatara, ale biespaśpiachova. Nie zmahła dapamahčy i bryhada «Chutkaj dapamohi», jakaja ŭ ličanyja chviliny pryjechała z Fłarencyi. Praz hadzinu kanstatavali śmierć futbalista.
«Espańoł» zvarjacieŭ ad hora i hatovy pradastavić u poŭnaje rasparadžeńnie siamji našaha kapitana, – skazaŭ dyrektar kłuba Chierman de ła Krus. – Heta niemahčyma. Heta žachliva.
My viartajemsia ŭ Barsiełonu ŭ niadzielu, ale nie možam zabrać cieła Charkie, bo treba ŭstanavać pryčynu śmierci. Usie hulcy spustošanyja. Jon byŭ tut, ź imi, a praz chvilinu syšoŭ nazaŭsiody. Heta žachliva».
Charkie (Jarque) byŭ vychavancam «Espańoła».
Jon dapamoh kamandzie zavajavać Kubak Ispanii ŭ 2006 h. i dajści da finału Kubku UEFA 2007-m. Pierad pačatkam siezona -2009/2010 jon byŭ abrany kapitanam kamandy.