Jury Lavonaŭ, fota Julii Daraškievič.
pad padpisku ab niavyjeździe, paviedamiŭ advakat Vadzim Mušynski. Mikałaj Aŭtuchovič i Uładzimir Asipienka zastajucca ŭ minskim SIZA №1.
Pavodle słovaŭ advakata, 8 žniŭnia skončyŭsia čarhovy termin utrymańnia jaho padabaronnaha pad vartaj. Pavodle zakona hety termin mahli abo padoŭžyć, abo vyzvalić Lavonava ź minskaha śledčaha izalatara №1.
«Ja źviartaŭsia z chadajnictvam da namieśnika hienieralnaha prakurora ab tym, kab Lavonavu była źmieniena miera utrymańnia pad vartaj na padpisku ab niavyjeździe. Vidać, chadajnictva zadavolili», — skazaŭ Mušynski.
Advakat taksama miarkuje, što ź Lavonava ŭziali padpisku pra nierazhałošańnie tajny śledstva.
«Takaja padpiska była ŭziata z usich advakataŭ i, vierahodna, ź Lavonava taksama. Adnak na 100% śćviardžać nie mahu, pakolki ź im jašče nie bačyŭsia. Pra vyzvaleńnie Lavonava ja taksama daznaŭsia ad jaho dački, jakaja mnie patelefanavała i paviedamiła, što jaje baćka znachodzicca doma», — skazaŭ Mušynski.
Sam Jury Lavonaŭ pakul nie dastupny, ciapier jaho niama doma. Jaho vyzvalili 8 žniŭnia, stan zdaroŭja narmalny. «U hetym płanie ŭsio dobra», — skazała BiełaPAN Julija Lavonava.
* * *
Dadomu Jury Lavonaŭ viarnuŭsia 8 žniŭnia prykładna ŭ 16.30, paviedamiła BiełaPAN jaho dačka Julija. Mikałaj Aŭtuchovič i Uładzimir Asipienka zastajucca ŭ minskim SIZA № 1.
«Ja sama tołkam nie viedaju, na jakich umovach jaho vypuścili, — skazała Julija Lavonava. — Baćka pakul ničoha nie raspaviadaje. Mahčyma, na nastupnym tydni jon zachoča sustrecca z žurnalistami».
8 žniŭnia spoŭniłasia paŭhoda z momantu zatrymańnia vaŭkavyskich pradprymalnikaŭ Mikałaja Aŭtuchoviča, Juryja Lavonava i Uładzimira Asipienki. 18 lutaha pradprymalnikam było vystaŭlena abvinavačańnie na padstavie art. 218 Kryminalnaha kodeksa (naŭmysnaje źniščeńnie ci paškodžańnie majomaści). 23 červienia ŭ dačynieńni da Aŭtuchoviča i, jak paviedamiła MUS, «inšych asob» raspačata sprava na padstavie art. 359 KK (terarystyčny akt) u vyhladzie padrychtoŭvańnia (art. 13). Zatrymanyja znachodziacca ŭ SIZA № 1 Minska.
Z 16 krasavika pa 16 lipienia Aŭtuchovič pravodziŭ haładoŭku, patrabujučy ŭ samy karotki termin albo pieradać spravu ŭ sud, albo źmianić usim padślednym mieru strymańnia z utrymańnia pad vartaj na padpisku ab niavyjeździe.
Pavodle słoŭ advakata Aŭtuchoviča Paŭła Sapiełki, 8 žniŭnia śledstva pavinna było vyrašyć pytańnie ab pradaŭžeńni terminaŭ utrymańnia pradprymalnikaŭ pad vartaj. Sapiełka adznačyŭ, što advakata ab pradaŭžeńni terminaŭ utrymańnia pad vartaj nie infarmujuć — zhodna z zakonam, znajomiać z hetym rašeńniem tolki padabaronnaha.
