U Minsku ŭžo staić kala 60 takich biłbordaŭ.
Na vulicach adzin za adnym na biłbordach źjaŭlajucca vyjavy ź biełaruskaj vaśmikancovaj zoračkaj i łozunham, jaki nahadvaje kampanii «Kuplajcie biełaruskaje» i «Budźma». Źviartaje na siabie ŭvahu jašče słova «dziakuj» na štrych‑kodzie.
Što chacieli skazać hetaj sacyjalnaj rekłamaj i chto jaje prydumaŭ?
«Heta našaja ideja, patłumačyŭ dla «NN» vykanaŭčy dyrektar Asacyjacyi rekłamnych arhanizacyj Biełarusi Ihar Samkin. — Jana naradziłasia padčas razmovy z pradstaŭnikami Ministerstva handlu.Ja vykazaŭ mierkavańnie, što sacyjalnaja rekłama pavinna być lepšaj, mieć bolš dakładny infarmacyjny charaktar.
Raspracavali «Biełaruskaje – samaje majo» dyzajniery siabroŭ Asacyjacyi rekłamnych arhanizacyj. U Minsku ŭžo staić kala 60 vyjavaŭ, mahčyma, chutka i ŭ rehijonach źjaviacca.
Usio heta zroblena na dobraachvotnych pačatkach. Chto dałučajecca da našaj rekłamnaj kampanii, padtrymlivaje ideju, moža raźmiaścić jaje na svaich biłbordach. Na dadzieny momant tak zrabili ŭžo 4 firmy: «Kołarekspres», «Bih Bord», «Bahiema» i «Praśpiektpres».
Pamiatajecie rekłamnuju kampaniju 1996‑1997 hoda «Kuplajcie biełaruskaje»? Siońnia hetyja niekalki słovaŭ usie viedajuć, a kaliści jaje pačynała firma «Bih Bord», taksama na dobraachvotnych pačatkach. My raźvili temu. Chaciełasia, kab sprava havorka išła nie tolki pra tavary, jakija lažać na składach, ale i pra ludziej, jakimi biełarusy mohuć hanarycca. Nie chočacca pyrskać pafasam, ale heta bolš naša patryjatyčnaja pazicyja, čym rekłama».