Vychodnymi ŭ Haradku prajšło 17-je «Basovišča». «Apošniaje niepaŭnaletniaje», jak žartavali viadučyja.
Siarod delikatesaŭ festu była «Trojca». Vystupała jana pozna, i mahutny dachryścijanski ryk Ivana Kirčuka raznosiŭsia na kilametry vakoł u načnym pavietry. Paradavali italjancy z «Arkiestra Artura Pjacca», jakija ŭžo druhi hod zapar pryjaždžajuć u Haradok. Ich pryniali tak horača, što vakalist paśla za scenaj uvieś čas paŭtaraŭ: «Nie chaču jechać dachaty». Byli «Krama» i «N.R.M.» z novymi pieśniami. Zieŭrała pustka na miescy «Ŭlisu».
Žury pad kiraŭnictvam mastaka Lavona Taraseviča abrała piać pieramožcaŭ ź dziesiaci maładych hurtoŭ, što ŭdzielničali ŭ konkursie. Prava zapisać albom na «Radyjo Biełastok» i ŭznaharodu Sajuzu biełarusaŭ Polščy atrymaŭ mienski «SDM». «Parason», jaki pakazaŭ na scenie šoŭ ź iluzijanistami, maje prava zapisu na studyi «Apoła» i ŭznaharodu Biełaruskaha abjadnańnia studentaŭ. Hrašovym pryzam hminy Haradok uznaharodžanyja «Ludzi śviatła», jakija ŭrazili mahutnym i ekspresiŭnym vakałam. Mahiloŭski «Vodar Suśviet» atrymaŭ hitaru z ruk historyka Aleha Łatyšonka. Pryz «Radyjo Palonija» – mahiloŭskaja ž «Neŭma»: «Tavaryš Maŭzer» daŭ dobry prykład suajčyńnikam.
U namiotavym haradku «Basovišča» było jak nikoli ciesna: nia toje što pastavić novy namiot, prajści było ciažkavata. A kolki namiotaŭ stajała prosta pa dvaroch u Haradku! «Basovišča» raście.
Delikatesy «Basovišča»:
Mahutny dachryścijanski ryk Ivana Kirčuka raznosiŭsia na kilametry vakoł.
«Arkiestar Artura Pjacca»
«Vodar Suśviet»
«Parason»
❏
Pieramožcy «Basovišča»:
«Ludzi śviatła»
«Neŭma»
«SDM»
Fota Andreja Lankieviča