Aŭtaškoły Biełarusi vymušany źnižać košt pasłuh dla pryciahnieńnia klijentaŭ.
Pra hetam paviedamiŭ siońnia na pres‑kanfierencyi zahadčyk adździeła biaśpieki ruchu na transparcie Biełaruskaha navukova‑daśledčaha instytuta transpartu «Transtechnika» Michaił Śvistun.
U minułym hodzie popyt na pasłuhi aŭtaškoł byŭ davoli vysoki. U niekatorych navučalnych arhanizacyjach na čarzie stajali paŭhoda i bolš. «Ciapier takoha ažyjatažu niama, što častkova źviazana ź finansava‑ekanamičnym kryzisam.
Kali raniej my farmiravali hrupy pa 30 čałaviek, to ciapier u ich skład uvachodzić 15‑20 čałaviek», — skazaŭ Michaił Śvistun.
Aŭtaškoły vymušany prymać miery dla pryciahnieńnia klijentaŭ, u tym liku źnižać košt svaich pasłuh. U jakaści prykładu śpiecyjalist nazvaŭ niekalki arhanizacyj u Mahilovie, Minsku i inšych haradach, jakija źnizili ceny na navučańnie.
Ciapier u Biełarusi vadzicielaŭ navučajuć 466 aŭtaškoł. Hetaj kolkaści dastatkova dla zadavalnieńnia popytu na pasłuhi ŭ hetaj halinie, ličyć ekśpiert. U toj ža čas Michaił Śvistun adznačyŭ, što niama nijakich pieraškod dla stvareńnia novych aŭtaškoł, «i toj, chto maje takoje žadańnie, moža jaho realizavać».
