Fota www.sobor.by
Padčas ranišniaj niadzielnaj słužby ŭ Kafiedralnym sabory Mahilova byŭ dvojčy paranieny ŭładyka Safron.
Incydent zdaryŭsia ranicaj u niadzielu ŭ Kafiedralnym sabory ŭ honar Troch śviacicielaŭ u Mahilovie pierad pačatkam Boskaj liturhii. A 9-j uładyka ŭvajšoŭ u chram i nakiravaŭsia da prychadžanaŭ, kab błasłavić naviednikaŭ.
U hety čas da jaho nabliziŭsia mužčyna i nanios jamu dva nažavyja ranieńni – u vobłaść žyvata i ŭ ruku, jakoj jepiskap Safron sprabavaŭ abaranicca.
Uładyka byŭ špitalizavany i praapieravany, u dadzieny momant znachodzicca ŭ reanimacyi i, pavodle słovaŭ miedykaŭ, jahonamu žyćciu ničoha nie pahražaje:
žyćciovavažnyja orhany nie byli zakranutyja, paškodžanyja vieny na ruce.
Złačynca, jakija ažyćciaviŭ zamach, zatrymany.
* * *
Čałaviek, što napaŭ u niadzielu na jepiskapa Mahiloŭskaha i Mścisłaŭskaha Safrona znachodzicca na ŭliku ŭ Mahiloŭskaj abłasnoj psichijatryčnaj balnicy.
Pra heta karespandentu BIEŁTA paviedamiŭ načalnik adździeła infarmacyi i hramadskichz suviaziaŭ UUS Mahiloŭskaha abłvykankama Raman Posachaŭ.
U dačynieńni da 37‑hadovaha mužčyny zaviedziena kryminalnaja sprava pavodle art. 147‑1 Kryminalnaha kodeksa RB («Naŭmysnaje pryčynieńnie ciažkoha ciełavaha paškodžańnia»).
Jak paviedamlałasia raniej, napad na ŭładyku adbyŭsia ŭ niadzielu ranicaj (23 žniŭnia) u kafiedralnym sabory Mahilova, kali archijerej padyšoŭ da viernikaŭ, kab błasłavić ich. Mužčyna nanios jamu ŭdar nažom u vobłaść žyvata, a taksama paškodziŭ vieny na ruce, jakoj jepiskap sprabavaŭ abaranicca.
Jepiskapa Safrona nieadkładna dastavili ŭ balnicu, dzie praapieravali. Ciapier uładyka znachodzicca ŭ reanimacyi, jaho žyćciu ničoha nie pahražaje.
Napadnika zatrymali prychadžanie.
* * *
Jepiskap Safron (Juščuk) naradziŭsia 11 krasavika 1951 h. u v. Kacielnia-Bajarskaja Bresckaj vobłaści. U 1982 h. zakončyŭ Duchoŭnuju sieminaryju ŭ Leninhradzie, u 1986 h. – Leninhradskuju Duchoŭnuju Akademiju, paśla zakančeńnia jakoj byŭ zaličany ŭ Śviata-Uśpienski Žyrovicki manastyr, u 1987 h. rukaŭskładzieny na ijeradyjakana i ijeramanacha. U 2001 h. archimandryt Safron atrymaŭ jepiskapskaje paśviačeńnie i byŭ pryznačany na Bresckuju kafiedru, a ŭ 2002 h. – staŭ jepiskapam Mahiloŭskim i Amścisłaŭskim. U 2004 h. častka Mahiloŭskaj jeparchii była vyłučanaja ŭ novastvoranuju Babrujskuju jeparchiju.