U suviazi z navinoj pra toje, što ŭ Google Translate źjaviłasia biełaruskaja mova, my zadali niekalki pytańniaŭ Iharu Machańku, inžyneru-prahramistu kampanii Google, jaki pracuje ŭ adździele jakaści pošuku Google.
«Naša Niva»: Dla biełaruskaj movy isnavaŭ pakul tolki adzin on-łajn pierakładčyk — Biełazar. Čym adroźnivajecca pierakładčyk Google ad inšych?
Ihar Machaniok: Google Translate pracuje pa pryncypie statystyčnaha pierakładu. Sistema apracoŭvaje vializnuju kolkaść tekstaŭ, pierakładzienych prafiesijnymi pierakładčykami, i na asnovie hetych tekstaŭ ałharytmy budujuć statystyčnuju madel pierakładu. Čym bolej isnuje pierakładzienych tekstaŭ,
tym lepiej jakaść. Rekamienduju pačytać adkazy na častyja pytańni i pahladzieć videa dakłada raspracoŭščyka Dźmitryja Hienzela.
Taksama pierakładčyk ad Google — pieršy biełaruski pierakładčyk, jaki pracuje sa šmatlikimi movami: zaraz vy možacie pierakłaści teksty z 50 movaŭ (uklučna z, naprykład, isłandskaj dy idyšam) na biełaruskuju, i ź biełaruskaj na lubuju z 50 movaŭ.
«NN»: Mnohija z tych, chto ŭžo paśpieŭ skarystacca vašym pierakładčykam skardziacca na
toje, što «biełaruskaja mova» pierakładajecca im na anhlijskuju jak «the Russian
language». U čym pryčyna takich hrubych niedapracovak?
I.M: Varta zaŭvažyć, što taki pierakład isnavaŭ vielmi niadoŭha -- zaraz pierakładčyk pierakładaje pravilna. Sistema statystyčnaha pierakładu supastaŭlaje frazy ŭ pierakładnych dakumientach i buduje suviazi. Vidać, u dakumientach, jakija vykarystoŭvalisia dla pabudovy madeli, byli vypadki, kali na miescy vyrazu «biełaruskaja mova» ŭ dakumientach na inšych movach stajała spasyłka na rasiejskuju movu. Kolkaść praviłaŭ, jakuju buduje statystyčnaja madel, vielmi vialikaja, i takija pamyłki mohuć być zaŭvažanymi nie adrazu. Kali ž ich zaŭvažajuć, to chutka vypraŭlajuć.
«NN»: Kudy karystalniki mohuć dasyłać svaje zaŭvahi?
I.M: Na sajcie Google Translate, pad aŭtamatyčnym pierakładam, jość spasyłka, nacisnuŭšy na jakuju, vy možacie padać vaš varyjant pierakładu. Taksama možna napisać u Google-hrupu google-translate
([email protected]), ci vykarystać formu zvarotnaj suviazi.