Siabry Tavarystva achovy pomnikaŭ uparadkavali na Vilejščynie staražytny pomnik «Ściebiarackija byki». Vałuny sioleta byli paškodžany vandałami.
Jak paviedamiŭ adzin z udzielnikaŭ akcyi Alaksiej Łužynski, letam vyjaviłasia paškodžańnie hetaha pomnika. A na miescy samaha paŭnočnaha kamienia, jaki byŭ źviernuty ŭbok, była vykapana vialikaja jama.
– Vierahodna, što heta zrabili nieprafiesijnyja «čornyja kapalniki». Bo navat u internecie šmat infarmacyi pra toje, što na hetym miescy navukoŭcami pravodzilisia daśledvańni. I nijakich skarbaŭ tut nie było znojdziena. A moža heta byli zusim i nie «čornyja kapalniki», a zvyčajnyja vandały.
Pomnik ujaŭlaje saboj piać vałunoŭ, jakija raźmieščany adzin za adnym pa linii poŭdzień-poŭnač. Adny navukoŭcy ličać, što kamiani mahli słužyć jazyčnickim kapiščam. Vyjava rohaŭ-rytonaŭ na «bykach» u niekatorych kulturach źviazana mienavita z pahanstvam. Inšyja ličać, što heta staražytnaja absiervatoryja. I na kamianiach vyjaŭlena niabiesnaje śfiera ŭ roznyja pory hoda. Taksama «Ściebiarackija byki» mahli być nadmahilnymi kamianiami na miescy staražytnaha pachavańnia.
– Heta značny pomnik, – adznačaje Alaksiej. – Jaho treba dahladać. Bo ŭ Biełarusi heta adziny prykład vyjavy rohaŭ-rytonaŭ na kamianiach.
***
Ryton – heta pasudzina dla pitva ŭ vyhladzie roha žyvioły. Ryton časta vykarystoŭvaŭsia ŭ sakaralnych abradach uźlivańnia vina ŭ honar taho ci inšaha boha.
