Tak budzie vyhladać adnoŭlenaja carkva.
U Minsku pry adnaŭleńni lehiendarnaha chrama XVII st. znajšli sklep z pachavańniem fundataraŭ carkvy. Samu carkvu źniščyli saviety, ale da trunaŭ nie dabralisia. Krypta moža stać simvałam nieźniščalnaści Minska i turystyčnaj pierlinaj.
Užo niekalki tydniaŭ pracoŭnyja KUP «Minskaja Spadčyna» raskopvajuć fundamienty carkvy. Padčas pracy koŭš ekskavatara raptam prabiŭ nieviadomuju kryptu (pachavalny sklep), nie paznačanuju ni na adnym z płanaŭ carkvy .
Prarab budoŭli vyklikaŭ śpiecyjalistaŭ ź instytuta archieałohii NAN Biełarusi, jakija pačali prafiesijna raskopvać kryptu. Astanki fundataraŭ carkvy zastalisia niekranutymi, niahledziačy na nieščaślivy los chrama.
Pobač z znojdzienym sklepam, jaki naležyć da «kryptaŭ zakrytaha typu», znajšli jašče adno pachavańnie — užo ŭ adkrytaj krypcie.
Padčas raniejšych raskopak, apošnija ź jakich pravodzilisia ŭ 1980‑ia, znajšli tolki kryptu XIX stahodździa, u jakoj taksama znachodziacca niekalki pachavańniaŭ.
Ciapier prajektny płan budzie skarektavany, a znojdzienyja krypty i lochi carkvy — muziejefikavanyja. Chutčej za ŭsio, možna budzie spuścicca pad ziamlu, kab ubačyć padmurki carkvy, prykładna tak, jak heta zroblena ŭ Safijskim sabory ŭ Połacku.
U starych jeŭrapiejskich haradach krypty, jakija źjaŭlajucca redkaściu, adkrytyja dla naviedvańnia i źjaŭlajucca važnym punktam turystyčnych i adukacyjnych padarožžaŭ. Hetak, u susiedniaj Polščy tolki dźvie padobnyja krypty.
Daviedka:
Carkva Śviatoha Ducha zbudavanaja ŭ pieršaj pałovie XVII st. Heta nieabchodny elemient Ratušnaha placu, jaki byŭ źniščany paśla akupacyi Biełarusi vysiłkami carskich i kamunistyčnych uładaŭ. Pa atrymańni niezaležnaści pačałosia adnaŭleńnie Ratušnaha placa. Paŭstali katalicki sabor, Ratuša, hatel «Jeŭropa». Na čarzie - carkva Śviatoha Ducha, jakaja naležała da kompleksu ŭnijackaha bazyljanskaha klaštaru.
U 1795 h., pry Rasijskaj impieryi, bazyljanskija manastyry byli začynienyja, a carkva addadziena pad kafiedralny pravasłaŭny Pietrapaŭłaŭski sabor. Pry caru jaje pierabudoŭvali na ruski ład, a za savietami zraŭniali ź ziamloj. Zachavalisia padmurki, na ich jana i paŭstanie znoŭ, ale ŭ jakaści dziciačaj fiłarmonii.
Krýpta (ot hreckaha kryptē — zakryty padziemny schoŭ) — u siaredniaviečnaj jeŭrapiejskaj architektury sklep abo niekalki sklepaŭ, raźmieščanych pad ałtarom i chorami. Krypty słužać dla pachavańnia i naviedvańnia astankaŭ śviatych, pakutnikaŭ i fundataraŭ.
