IT kampanija z h.Durban vyrašyła paraŭnać chutkaść paštovaha hołuba z pracaj linii ADSL samaj vialikaj telekamunikacyjnaj paŭdniovaafrykanskaj kampanii Telkom.
Telekamunikacyjnyja kampanii abiacajuć złučyć Śviet šyrokapałosnym Internetam dla zručnaści karystalnikaŭ. Adnak u Paŭdniovaj Afrycy paštovy hołub akazaŭsia našmat chutčejšym u pieranoscy dadzienych, čym ADSL.
IT kampanija z h.Durban vyrašyła paraŭnać chutkaść 11-ci miesiačnaha paštovaha hołuba, da jakoha prymacavali fłeš-kartku pamiaci na 4 Hb, z pracaj linii ADSL samaj vialikaj telekamunikacyjnaj paŭdniovaafrykanskaj kampanii Telkom.
Za svojeasablivym spabornictvam nazirali dziesiatki žurnalistaŭ, a on-łajn – jašče i sotni karystalnikaŭ sacyjalnych sietak Facebook i Twitter.
Hołub Uinstan startavaŭ z ofisu kampanii Unlimited IT z horadu Choŭik i praz hadzinu i 8 chvilin paśpiachova prylacieŭ u ofis kampanii ŭ Durbanie, pieraadoleŭšy adlehłaść kala 60 mil. Jašče hadzina spatrebiłasia supracoŭnikam kampanii, kab skapijavać dadzienyja z fłeški na kamputar.
Za hety ž čas praz ADSL liniju prajšło tolki kala 4% tych ža dadzienych.
Ideja «spabornictvaŭ» naradziłasia ŭ hałavie adnaho z supracoŭnikaŭ Unlimited IT, kali razzłavany pavolnaściu miascovaha Internetu jon vykazaŭ dumku, što «hołub pieranios by dadzienyja chutčej».
