Heta adbyłosia jašče 6 vieraśnia. U hety dzień sustaršynia Biełaruskaj chryścijanskaj demakratyi addaŭ rukapis ramanu Dzianisu Sadoŭskamu, kab toj adksierakapijavaŭ tvor.Sadoŭski pieradaŭ bolš za 700 arkušaŭ ramanu svajmu siabru. Na kvatery, jakuju zdymaŭ siabra Sadoŭskaha, i adbyŭsia pieratrus.
Pravodzili jaho supracoŭniki milicyi Centralnaha rajonu stalicy, prysutničali i kadebisty. Haspadyni kvatery pakinuli tolki papieru pra vobysk, ale navat nie pakinuli śpis kanfiskavanaha.
«Dla mianie heta šok, — kaža P.Sieviaryniec. — Ni z čym padobnym raniej sutykacca mnie nie davodziłasia.Heta byŭ mastacki tvor pra Biełaruś pad pracoŭnaj nazvaj «Serca śviatła». Voś ciapier supracoŭniki śpiecsłužbaŭ buduć jahonymi pieršymi čytačami».
Sieviaryniec spadziajecca viarnuć raman. Jon užo nakiravaŭ skarhi ŭ RUUS i prakuraturu Centralnaha rajonu.
0
0
0
0
0
0
