Trojčy naminant na «Załaty Hłobus» pačynaŭ svaju karjeru jak tancor i śpiavak u miuzikłach na Bradviei.Na samym vydychu chałodnaj vajny navat paśpieŭ zaśviacicca ŭ prapahandysckim antysavieckim filmie «Čyrvony śvitanak».
Zorkaj Suejzi zrabiŭsia ŭ 1987 h., syhraŭšy daśviedčanaha ŭ pytańniach kachańnia nastaŭnika tancaŭ u kasarobie «Brudnyja tancy». Praz hod Suejzi zachacieŭ prademanstravać muskuły ŭ trymcieńniki «Achoŭnik u bary». Ale potym znoŭku viarnuŭsia da ramantyčnych rolaŭ – u «Pryvidzie», svajoj samaj paśpiachovaj stužcy, jon hraje zabitaha mužčynu, pazbaŭlenaha cialesnaje abałonki, što kranalna namahajecca abaranić svaju kachanku.
U detektyŭnym sieryjale «Źvier» Suejzi zdymaŭsia ŭžo chvorym na rak padstraŭnikavaj załozy. Jon nie prymaŭ bolasucišalnikaŭ u časie zdymak, kab nie naškodzić uzroŭniu aktorskaje hulni.
0
0
0
0
0
0
