U Maładoha Frontu jość i alternatyvy ŭ niezaležnym siektary.
Fota Julii Daraškievič.
Heta «Jeŭrapiejskaja Biełaruś», «Bunt». Ich prychilniki sychodziacca z MF u metach, ale razychodziacca ŭ pohladach. Naprykład, na relihiju.
Čarhovaje rassłajeńnie «Maładoha frontu» adbyłosia ŭvosień 2008 hoda. Były palitviazień, namieśnik Źmitra Daškieviča Artur Fińkievič, stvaryŭ novuju arhanizacyju «Maładaja Biełaruś».
«Naša Niva»: Artur, jak tak stałasia, što apynuŭsia pa-za «Maładym frontam»?
Artur Fińkievič: Ja pryjšoŭ u «Małady front» 8 hadoŭ tamu, u 2001 hodzie. U toj čas heta była najmacniejšaja moładzievaja arhanizacyja, jakaja kankuravała z «Zubram». U kožnaj staličnaj rajonnaj arhanizacyi naličvałasia paŭsotni čałaviek. Novaje ž kiraŭnictva arhanizacyi stała niapravilna rasstaŭlać akcenty. Praz supiarečnaści ź Źmitrom Daškievičam vyjšaŭ z «Maładoha frontu».
«NN»: Supiarečnaści mieli ideałahičny charaktar?
AF: Tak. Mnie było niezrazumieła, ci my źjaŭlajecca moładzievaj apazicyjnaj arhanizacyjaj ci prosta chryścijanskaj.
«NN»: A jakija ciapier maješ adnosiny z «Maładym frontam»?
AF: Nijakich. Stvaraju svaju arhanizacyju, i da jaje dałučylisia try z šaści kiraŭnikoŭ abłasnych supołak MF.
* * *
Artur Fińkievič
naradziŭsia 8 lutaha 1985 u Minsku. Adsiadzieŭ za palityčnuju dziejnaść paŭtara hoda na «chimii» i ŭ kałonii.
