16 vieraśnia BCHD ładzić admysłovuju kanfierencyju, prymierkavanuju da jubileju adnaho z zasnavalnikaŭ biełaruskaha chryścijanska-demakratyčnaha ruchu.
Branisłaŭ Ihnatavič Epimach–Šypiła naradziŭsia 4 (16) vieraśnia 1859 hoda ŭ falvarku Sudziłovičy Lepielskaha pavieta Viciebskaj hubierni (ciapier heta v. Budźkaŭščyna Połackaha rajona Viciebskaj vobłaści) Adzin z stvaralnikaŭ biełaruskaha vydaviectva «Zahlanie sonca i ŭ naša akonca» i studenckaha «Biełaruskaha navukova-litaraturnaha hurtka» .Skłaŭ pieršuju chrestamatyju biełaruskaj litaratury.
Branisłaŭ Epimach-Šypiła źjaŭlajecca adnym z zasnavalnikaŭ biełaruskaha chryścijanska-demakratyčnaha ruchu. Mienavita ŭ asiarodku biełaruskaha studenctva Pieciarburha i ŭźnikła Biełaruskaja chryścijanskaja demakratyja. Prykładna ŭ 1917 hodzie ŭ Pietrahradzie pradstaŭniki biełaruskaj dyjaspary na čale z ksiandzami A.Stankievičam i V.Hadleŭskim zasnavali partyju Chryścijanska-demakratyčnaja złučnaść, na bazie jakoj u 1927 hodzie ŭ Vilni była stvorana partyja Biełaruskaja chryścijanskaja demakratyja.
Aryštavany DPU BSSR 18 lipienia 1930 hoda i abvinavačany pa spravie «Sajuza vyzvaleńnia Biełarusi». Znachodziŭsia ŭ źniavoleńni da 12 vieraśnia 1930. Byŭ vymušany pakinuć Minsk i vyjechaŭ u Leninhrad, dzie i pamior u 1934 hodzie.
