16 vieraśnia a 18-j z nahody 10-j hadaviny źniknieńnia Hančara i Krasoŭskaha Abjadnanyja demakratyčnyja siły zładzili akcyju salidarnaści na Kastryčnickaj płoščy. Akcyja skončyłasia masavymi zatrymańniami. Pierad pačatkaim mierapryjemstva płošču pamyła śpiectechnika. Ułady pastaralisia paźbiehnuć rozhałasu ad siońniašniaj akcyi — žurnalistam nie davali zdymać razhon.
Pierad pačatkam akcyi płošču pamyli.
Chutka nabiehli milicyjanty.
Ludziej adharadzili ad praśpiektu ščlnym šychtom.
Žurnalistam nie davali pracavać.
Praz 10 chvilin na płoščy zastaŭsia Źmicier Bandarenka.
Takim Aleś Ściepanienka vyjšaŭ z RUUS Centralnaha rajonu. Fota belhelcom.org
Videa Taćciany Haŭrylčyk
21.30 Adpuścili apošniaha zatrymanaha. Pry hetym na vychadzie z budynka RUUS adbyłasia nievialikaja sutyčka ź milicyjantami. Pratakoły na ŭdzielnikaŭ akcyi nie składaliłsia. U niekalkich čałaviek z prymianieńniem hrubaj siły ŭziali adbitki palcaŭ.
21.00 Pačali vypuskać zatrymanych. Pa słovach vidavočcaŭ, jość źbityja. Nibyta mocna patrapiła Mikole Statkieviču.
20.23 Stali viadomyja proźviščy niekatorych zatrymanych, što znachodziacca ŭ Centralnym RUUS: Źmicier Barodka, Jaŭhien Afnahiel, Pavieł Juchnievič, Michaś Paškievič, Palina Kurjanovič, Mikoła Dziemidzienka, Źmicier Daškievič, Viktoryja Ładzis, Alona Vłyniec, Siaržuk Siemianiuk, Andrej Kim.
19.56. U Centralny RUUS pryvieźli zatrymanych. Praz akno bačna, što ŭ kalidory tvarami da ściany staić kala 15 čałaviek.
18.35. Akcyja skončyłasia. Byŭ zatrymany Michaś Paškievič z AHP. Jon viartaŭsia z płoščy da svajho aŭto. Paškieviča advieźli ŭ Centralny RUUS, ciapier tudy nikoha nie puskajuć. Kudy advieźli astatnich zatrymanych, pakul nieviadoma.
18.29. Na płoščy zastajecca Źmicier Bandarenka z partretam, Lavon Barščeŭski. Niekalki čałaviek spaźnilisia na akcyju. Jany stajać razam, trymajuć partrety źnikłych. Stali viadomyja proźviščy niekatorych zatrymanych udzielnikaŭ akcyi salidarnaści: Pavieł Juchnievič, Aleh Korban, Andrej Kim, Mikoła Sierhijenka, Maksim Sierhijec, Siaržuk Siemianiuk, Alona Vałyniec.
18.18. Na płoščy byli zaŭvažanyja čatyry pradstaŭničyja zamiežniki. Pa-anhielsku jany adkazali žurnalistu NN, što źjaŭlajucca naziralnikami, ale ad kamientaroŭ i tłumačeńniaŭ admovilisia.
18.15. Na płoščy zastaŭsia Źmicier Bandarenka, aktyvist hramadzianskaj kampanii «Jeŭrapiejskaja Biełaruś». Jon trymaje partret Anatola Krasoŭskaha i pramaŭlaje da žurnalistaŭ. Milicyjanty dazvalajuć zdymać Bandarenku. Mužčyny u cyvilnym paciskajuć adzin adnamu ruki i vinšujuć «z dobraj pracaj».
18.09. Padahnali dva aŭtobusy, u jakija masava hruziać udzielnikaŭ akcyi. Da kožnaha pradstaŭnika presy prystaŭlena pa niekalki supracoŭnikaŭ u cyvilnym.
18.07. Ludzi pasieli na ziamlu. Śpiecnazaŭcy adharadzili ich ad praśpiektu ščylnym šychtom. U žuralistaŭ vyryvajuć z ruk kamiery. advodziać u bok «pahavaryć».
18.00. Akcyja pačałasia. Na płoščy sabrałasia niekalki dziesiatkaŭ čałaviek. Jany šychtujucca ŭ łancuh uzdoŭž praśpiektu. Źjaviłasia raściažka z nadpisam «My pomnim!», partrety źnikłych. Siarod udzielnikaŭ akcyi Źmicier Daškievič, Jaŭhien Afnahiel, Mikoła Statkievič, Nasta Pałažanka, Pavieł Juchnievič. Śpiecnazaŭcy adrazu ž pačali ciaśnić aktyvistaŭ. Žuralistam nie dajuć zdymać na fota- i videakamiery. Z boku Pałacu respubliki źbiahajucca dziesiatki milicyjantaŭ.
17.45. Na płoščy źjaviłasia technika dla myćcia vulicaŭ. Ludzi ŭ cyvilnym addali zahad kiroŭcam i tyja pačali prybirać płošču. Na Kastryčnickaj nazirajecca padvyšanaja kancentracyja strohich mužčynaŭ z racyjami.
